Оваа убавица ги напушти модните писти и стана калуѓерка – драматичен пресврт во животот на мисицата

Камила Лабигалин, убавица од Бразил, ја започна својата јавна кариера како манекенка и носителка на титулата „Miss Continente Teen Sol Nascente“. Со само 17 години, таа беше на пат да учествува на националниот избор за убавина, но ден пред натпреварот, донесе одлука која го промени текот на нејзиниот живот: се повлече од светот на модата и се посвети на духовниот пат.

На 18 години, Камила се приклучи на верската заедница „Апареида и Света Катарина“, поврзана со католичката конгрегација „Sancta Dei Genitrix“, под раководство на отец Жозе Рибамар Р. Дијас. Иако оваа заедница не е под директно покровителство на Римокатоличката црква, таа активно учествува во хуманитарни проекти, вклучувајќи помош за социјално загрозени лица и евангелизација.

Облечена во редовнички хабит и со марама на главата, сестра Ева, како што сега е позната, секојдневно работи во барови, продавници и на пазари, собирајќи средства за општествени проекти на заедницата. Таа, заедно со други сестри, патува низ различни градови каде што продаваат бројаници.

Покрај евангелизацијата, сестра Ева е и мисионерка која работи со луѓе кои се во состојба на социјална загрозеност. Конгрегацијата во која делува моментално спроведува повеќе од 18 општествено-хуманитарни проекти.

Неодамна, сестра Ева привлече внимание со својот спонтан битбокс настап на бразилската католичка телевизија „Pai Eterno“. За време на емисија посветена на духовните повици, таа и нејзината колешка сестра Маризеле Касијано изведоа изненадувачки музички перформанс, комбинирајќи битбокс и танц.

Овој момент, кој беше снимен и споделен на социјалните мрежи, стана вирален и привлече внимание и надвор од границите на Бразил. Настапот ја истакна нивната посветеност кон верата и нивната способност да ги комбинираат духовноста и современите изразни форми во служба на заедницата.