Ова преубаво женско име повторно се врати во мода – се верува дека е под божја заштита
На нашите простори пристигнало преку латинскиот и грчкиот јазик, а се спомнува и во Библијата.
Името беше широко застапено на Балканот, а потекнува од хебрејскиот јазик. На нашите простори пристигнало преку латинскиот и грчкиот јазик, каде се среќава како „Иоанна“.
Станува збор за преубавото име Јована.
Advertisement
Се смета дека Јована е женска изведенка од машкото христијанско име Јован или Иван, односно претставува варијанта на женското име Ивана.
Според христијанската традиција, ова име има силна духовна симболика и значи „таа што му е мила на Бог“,„испратена од Бога“, или „таа кон која Бог покажува милост“.
Во народното верување, девојчињата кои при крштевање го добиваат името Јована се смета дека се предодредени за голема среќа, успех и бчагословен животен пат – како да се родени под среќна ѕвезда. Се вели дека носителките на ова име се ведри, љубопитни, брзо учат и се сакани од луѓето околу себе.
Во оваа форма – „Јована“ – името е карактеристично за балканското поднебје. Од него произлегуваат и други облици како: Јованка, Јовка, Јоана.
Во светски рамки пак, варијации на ова име се среќаваат во многу земји и јазици: Јохана, Џоана, Џоан, Јанис, Џенина…
Во Македонија името Јована со години беше меѓу 30-те најпопуларни женски имиња, потоа малку падна во забрав од модерните родители, а сега – за среќа – повторно се враќа во мода.
Интересно е што името Јована самостојно се споменува и во Библијата, во Евангелието според Лука. Јована била една од ретките жени што се нарекуваат „жени-служителки“ кои го следеле Исус Христос на неговите патувања. Се вели дека имала исклучително чисто срце и цврста вера, што ја прави едно од значајните женски библиски имиња, иако тоа често се заборава во секојдневната употреба.
Македонската православна црква ја слави Света Јоана Мироносица на 27 јуни (стар стил) односно на 10 јули по грегоријанскиот календар.
Името Јована останало инспирација и во народната музика – една од најубавите песни посветени на жена со ова име е токму македонската народна песна „Јовано, Јованке“.
