Познатиот српски водител и продуцент, Жика Јакшиќ, кој ја води популарната емисија „Никогаш не е доцна“, има два сина. Помладиот син го доби со Дајана Пауновиќ, додека постариот, Андрија Јакшиќ, е од првиот брак.
Андрија е многу успешен, имено тој е најмладиот енолог во Германија, а својот татко неодамна го почести со врвно вино со етикета „Никогаш не е доцна“, инспирирано од емисијата што ја води.
Иако Андрија не е заинтересиран за естрадата, а Жика тоа го почитува кај синот, тој е посветен на својата кариера во винарството. Тој и неговата сопруга, Јехослава, неодамна се преселија во Србија и сега живеат на Бежаниска коса, поточно во непосредна близина до Жика.
Потсетуваме, во јуни годинава, Жика Јакшиќ беше хоспитализиран по мозочниот удар. Според изјави на негови блиски, неговата здравствена состојба сега е стабилна и водителот полека но сигурно се опоравува. Во обид да се врати на својата професионална активност, Жика започна со интензивна рехабилитација. Секојдневно посетува логопед и физиотерапевт, како и релакациски и медицински масажи, со цел да го подобри говорот, моториката и циркулацијата.
Жика изрази оптимизам во врска со неговото опоравување, изјавувајќи дека се чувствува добро и дека се враќа на работа со радост. Тој го потврди датумот за неговото враќање на снимањето на емисијата „Никогаш не е доцна“ на 10 септември 2025 година.
Во меѓувреме, неговиот син, Андрија Јакшиќ, го поддржува својот татко во процесот на опоравување, а и бројната публика на Жика едвај го чека неговото враќање во студиото.
