Ова е родениот брат на Влатко Миладиноски – ВОЈО СТОЈАНОСКИ да беше жив ќе се гордееше со нив
Влатко заедно со својот брат и неговиот оркестар наскоро ќе одржат концерт во Скопје, а потоа и во Охрид...
Тие се родени браќа, но и задно настапуваат
Многумина што не ја следат нашата народна музика не знаат дека Влатко Миладиноски има брат кој исто така е музичар.
Станува збор за Златко Миладиноски кој е две години постар од Влатко, кој е магистер по музика и свири на хармоника.
Принтскрин/ Јутуб
Тие се внуци на легендарниот македонски пејач Војо Стојаноски, а со Дамјан, синот на Војо, се први братучеди.
Влатко и Златко потекнуваат од Кичево, а досега имаат настапувано како низ цела Македонија, така и секаде низ светот.
Принтскрин/ Јутуб
На 12 јуни пак, Влатко во придружба на големиот оркестар предводен токму од неговиот брат ќе одржи концерт во Националната опера и балет. Концертот требаше да се одржи на 22 март, но заради несреќата во Кочани беше презакажан, а во меѓувреме Влатко и неговиот брат открија дека ќе имаат концерт и во Охрид, на 7 август.
Концертот ќе биде во Античкиот театар во Охрид, и ова преставува своевиден историски настан бидејќи за прв пат во историјата на сцената на величествениот Антички ќе настапи фолк-изведувач.
Фејсбук
Интересно е и тоа што, Влатко, како што самиот откри во една пригода за Гламур, дека токму неговиот брат му бил и ментор во детството за и тој да почне да се занимава со музика. Тој знае да свири на тамбура, пијано и гитара, инструменти за кои вели дека се дел од неговиот живот.
Фејсбук
„ Секако дека музичките инструменти се дел од мојот живот. Ментор е мојот 2 години постар брат Златко кој првично индиректно со тоа што постојано музицираше низ нашиот дом, ме инфицира и ми ги внесе желбата и интересот кон тие инструменти, за потоа да следи и моето музичко образување. Првиот мој инструмент е тамбурата, а омилен да музицирам на него, дефинитивно e пијаното“.
„Но сакам да ги слушам сите инструменти“, изјави тогаш Влатко додавајќи дека и тој и неговиот брат љубовта кон музиката ја наследиле од нивните родители Миливој и Никодинка.
Фејсбук
„Моментално важиме за една голема музичка фамилија, како продукција. Го спомнавте Дамјан а тука е и нашиот братучед Дарко, но тој список со вокални и инструменталисти солисти од нашата фамилија е доста долг и континуирано се зголемува“ сподели тогаш нашиот пејаќ во интервјуто за Гламур магазин.
Целото интервју со Влатко прочитајте го тука.
