Ова е најубавата водителка на временска прогноза, а сега стана мајка – ја споредуваат со божицата Афродита (видео)
Елени е една од најубавите Гркинки, а поради нејзината природна убавина многумина ја нарекоа „ќерката на Афродита“.

Ако престојувате во Грција и уклучите телевизор за да ја видите временската прогноза, веројатно ќе „налетате“ на утринската емисија „Happy Day“, и во еден момент ќе бидете преплавени со енергијата, песната и танцот на прекрасната Елени Колаки – водителката на временската прогноза, која со својата појава и уникатен стил на презентирање стана едно од омилените ТВ-лица на Балканот.
Она што ја издвојува Елени од останатите водители е нејзиниот динамичен начин на презентирање – таа ги споделува сите временски информации со музика, кореографија и пеење, а нејзината харизма и ведрина успеваат за неколку секунди да ги подигнат на нозе сите во студиото, секако и гледачите.
Но, не е само нејзината енергија тоа што ги задржува гледачите пред малите екрани или ги тера да се навратат на нејзините видеа додека „скролуваат“ на социјалните мрежи. Елени е една од најубавите Гркинки, а поради нејзината природна убавина многумина ја нарекоа „ќерката на Афродита“.
Сепак, во моментов, публиката ќе мора да почека на нејзините ТВ-перформанси, бидејќи оваа 39-годишна водителка неодамна стана мајка и сега ужива во своето породилно отсуство – надвор од светлата на рефлекторите.
Но, нејзините следбеници на Инстаграм не останаа без новости. Наместо атрактивни фотографии од студиото, сега можат да ги следат нејзините емотивни објави за мајчинството.

„Мој ангелу, добредојде! Девојче мое, светлост моја! Ти благодарам! Те обожаваме! Ти благодарам што ми ја даде честа да станам мајка! Засекогаш ќе бидам покрај тебе!“ – напиша Елени под фотографијата на рачето на својата ќерка.

Во една од објавите, водителката ги сподели и првите мајчински искуства:
„Патувањето низ мајчинството носи безброј прашања и дилеми. Загриженост, несигурност, анксиозност – сето тоа е дел од новиот, но неверојатно убав свет што ти се отвора! На ова патување, двајца драгоцени луѓе беа секогаш со нас – мојот доктор и мојата бабица. Со бескрајна љубов, разбирање и трпение не водеа до овој магичен момент. Најмалку што можам да кажам е огромно „благодарам“!“
За сега, фановите можат да ја следат само на социјалните мрежи, но сите со нетрпение го очекуваат нејзиното враќање на малите екрани – штом нејзината ќерка малку порасне.