Свети Никола е ден за семејство, традиција и заеднички моменти околу трпезата. За да ја направите оваа слава незаборавна, ви предлагаме посна салата која плени со својот богат, но лесен вкус, а истовремено е и величествена на трпезата.
Таа може да биде освежувачко предјадење или вкусен прилог на посни сарми и риба.
Состојки (за 6-8 порции):
400 г макарони
1 праз (околу 300 г)
300 г шампињони
2 конзерви туна (300–320 г)
4–5 кисели краставички
350 г посен мајонез
2–3 кисели црвени пиперки
2–3 кисели моркови
Малку масло за пропржување
Сол и бибер по вкус
Начин на подготовка:
Пржење на зеленчукот:
Во мала тава, пропржете го празот и шампињоните на малку масло. Додадете сол, бибер и други зачини по желба.
Подгответе ги киселите состојки:
Исечкајте ги киселите пиперки, краставички и морковите на ситни коцки или ленти.
Подготовка на основата:
Сварете ги макароните според упатството на пакувањето, а потоа оставете ги да се изладат.
Во голема чинија, измешајте ги изладените макарони со туната, краставичките и посниот мајонез. Добро соединете ги состојките.
Слојување на салатата:
На голем тањир, ставете калап и сипете половина од смесата, рамномерно распоредете.
Премачкајте со малку мајонез и посипете со морков, а потоа додадете ги празот и шампињоните.
Посипите со исечкани пиперки, па ставете ја другата половина од смесата. Рамномерно распределете и повторно премачкајте со мајонез.
Декорација:
Декорирајте според желба – со магдонос, дополнителен морков, пиперки или маслинки за впечатлив празничен изглед.
Совет за совршена салата:
За најдобар вкус, салатата е пожелно да се подготви неколку часа пред сервирање, за вкусовите да се соединат.
Можете да ја прилагодите количината на мајонез и кисели состојки според сопствениот вкус и здравствени навики.
На здравје!
