Ова е најмоќна билка против настинки – за ефтини пари ќе бидете како „вакцинирани“ на вируси
Егзотичната билка со моќни својства сè почесто ја бараат и македонските граѓани. А има и зошто. Достапна е во продажба.
Со доаѓањето на постудените денови, се зголемуваат и ризиците од сезонските вируси, настинки и грип. Иако чаевите, медот, ѓумбирот и лимонот одамна се проверени како добри сојузници во борбата со вирусите, сè поголемо внимание привлекува една егзотична билка која е вистинска бомба против вируси.
Станува збор за ѕвездестиот анасон (Illicium verum). Неговиот карактеристичен облик во форма на ѕвезда не е само декоративен, туку крие и силни лековити својства кои ја засилуваат одбранбената моќ на организмот.
Advertisement
Моќни својства и здравствени придобивки
Ѕвездестиот анасон содржи шикиминска киселина, односно, супстанција која се користи и во фармацевтската индустрија за производство на лекови против грип.
Поради тоа, оваа билка се смета за природен антибиотик и силен антивирусен сојузник. Редовната консумација, најчесто во форма на чај или со џвакање на една „ѕвезда“ после оброк, може да помогне и за полесно варење на храната, да го освежи здивот и значително да го намали ризикот од настинки. Во народната медицина се користи и против кашлица, воспалено грло и стомачни болки и тегоби.
Го има во нашите продавници
Иако ѕвездестиот анасон не е типична билка за Македонија и природно успева во топлите и влажни региони на Југоисточна Азија, тој сепак е лесно достапен на нашиот пазар. Може да се купи во поголемите маркети, во продавници за здрава храна, како и преку онлајн продавници.
Цената се движи од 150 до 250 денари за пакување од 50 до 100 грама, во зависност од квалитетот и потеклото.
Во македонските домаќинства најчесто се користи како чај – неколку ѕвезди се прелеваат со врела вода и се оставаат десетина минути за да го ослободат ароматичниот и лековит вкус. Но, ѕвездестиот анасон може да го употребувате и како зачин во колачи, компоти и варени вина.
