Ова е најдобриот рецепт за туфахии – се топат во уста, колку се сочни!

Туфахиите се традиционален десерт кој потекнува од ориенталната кујна и со векови се подготвува и во нашите краеви. Името „туфахија“ доаѓа од арапскиот збор туфах, што значи јаболко.

За време на отоманскиот период десертот се проширил низ Балканот и станал омилен симбол на свечените трпези и на семејните собири. Се смета за едно од најпрепознатливите слатки на босанската кујна, но денес подеднакво уживаат во него и во Македонија, Србија, па дури и во Хрватска.

Привлечноста на овој десерт лежи во неговата едноставност и совршениот баланс на вкусови: сочни јаболка, богата смеса од ореви и сладок сируп – поврзани прават совршенство од вкусови.

Еве како да ги направите туфахиите по оригинален рецепт:

Состојки:

6 средни јаболка (најдобро „Златен делишес“ или „Ајдаред“)

1 литар вода

500 г шеќер

1 лимон

200 г мелени ореви

100 г шеќер во прав

1 ванилин шеќер

1 белка од јајце

Шлаг за декорација

Подготовка:

Излупете ги јаболките и извадете ја од нив средината, а петелката оставете ја. Исечете го лимонот на кришки и ставете го во сад со вода. Јаболката веднаш ставајте ги во водата со лимон за да не потемнат.

Во поголемо тенџере сварете сируп од 1 литар вода и 500 г шеќер. Кога шеќерот ќе се стопи, намалете ја температурата и додадете ги јаболките. Варете ги 10-15 минути на тивко, додека омекнат, но да не го изгубат обликот. Извадете ги и оставете ги да се изладат, а сирупот сочувајте го.

Во сад измешајте мелени ореви, шеќер во прав, ванилин шеќер и белка од јајце. Ако смесата е густа, додадете малку од сирупот. Со оваа смеса наполнете ги изладените јаболки, ставете ги во подлабоки чинии, прелијте ги со сируп и украсете ги со шлаг и мелени ореви.

Туфакиите се најубави кога се добро изладени, па оставете ги во фрижидер најмалку еден час пред сервирање.