Ова е куќата во која пред шест децении се роди Атиџе Муратова – медената хероина славеше роденден
Медената хероина го прослави својот 61 роденден
Ова беше посебен ден за нашата медена хероина
Медената хероина Атиџе Муратова на 16 јануари наполни 60 години, па ова беше убава прилика да прослави со најблиските.
Таа е родена на 16 јануари 1964 година во село Бекирлија, во куќата во која се снимаше култниот филм „Медената земја“.
Атиџе во оваа куќа живееше со додека не ја доби новата куќа во Дорфулија, заедно со својата болна мајка, Назифе Муратова.
Принтскрин/ Јутуб
Нејзината мајка почина пред шест години, додека се снимаше филмот и пред истиот да се појави на Оскарите.
Принтскрин/ Јутуб
„Таа знаеше дека снимаме, знаеше и за куќата што ни ја купија продуцентите во Дорфулија. Ми викаше: ‘Ќерко ти многу сакаш да пееш, оди, снимај, ќе бидам јас добра. Среќна сум за тебе’“, изјави Атиџе во една пригода за А1он.
Принтскрин/ Јутуб
Атиџе по снимањето на документарниот филм за нејзиниот живот и пчеларството што предизвика голем интерес во целиот свет, се пресели во новата куќа во Дорфулија каде што живее и денес.
Нејзината куќа во која што таа денес живее е оддалечена 20-на километри од куќата во која се снимаше документарецот.
Принтскрин/ Јутуб
Што се однесува до нејзината љубов кон пчелите, таа во една пригода откри дека е со нив уште откако како дете прв пат пробала мед.
Но бидејќи семејството било во тешка материјална состојба, не можеле редовно да купуваат мед, па таа научила како се прави.
Принтскрин/ Јутуб
Потоа продолживме, меракот остана, ама фала Богу, од пчелата медена земја добивме, и куќа добивме и големи пофалби добивме за нашата Македонија“, истакнува Атиџе во една пригода за медиумите.
Принтскрин/ Јутуб
Таа тогаш откри дека пчелите на почетокот ја касале, но со тек на време научила како да се однесува во нивна близина, но и најважното правило и мото во нејзиниот живот – „половина мед за пчелата, половина мед за мене“, реченицата која ги трогна сите што го гледале документарниот филм од Македонија што блесна и на Оскарите.
„Повеќе на пчелите да им се остава. Ако нема пчели, од каде мед? На целиот свет му требаат пчели. Ако немаме пчели, ќе немаме ниту здравје“, постојан истакнува Атиџе во своите интервјуа што ги има дадено досега во медиумите.
