Освежете ја кожата на лицето и сочувајте ја убавината: Три најдобри рецепти за маски од квасец

Маската од квасец е во состојба да ја трансформира кожата на еден чудесен начин. Квасецот можете да го пронајдете во која било продавница, а она што е најважно да се напомене е дека треба да користите свеж квасец, зашто сувиот не одговара. Ви предложуваме неколку рецепти кои ќе ви помогнат да ја сочувате младоста и убавината.

Маска од квасец за чистење на лицето

Наједноставно, но ефикасна маска за лице која ќе ви помогне да го исчистите лицето од акни и митесери. Таа се подготвува на следниов начин: Растворете мала количина квасец во топла вода, така што ќе добиете хомогена смеса. Веднаш се нанесува на исчистено лице и се остава така додека целосно не се исуши. Се измива со ладна вода.

Хранлива маска од квасец за сува кожа на лицето

1 кафена лажица мед се меша заедно со 1 супена лажица брашно и 20 грама квасец. Се става и малку варено млеко, додека не се добие хомогена смеса. Истата нанесете ја на лицето и оставете ја да делува 20 минути. Измијте со млака вода.

Маска од квасец за масна кожа на лицето

За оваа маска ви е потребен ќефир (или јогурт) и 20 гр квасец. Измешете ги заедно додека не добиете изедначена смеса, па нанесете ја на исчистено лице. Откако ќе се исуши, измијте ја со топла вода.