Осудување – тоа е секаде околу нас. Невозможно е да се избегне. Сите ние сме научени да осудуваме, без разлика дали знаеме или не знаеме нешто за таа личност. Но, што се случува кога осудувањето станува секојдневие, начин на живот?
Осудувањето ја краде нашата енергија. Кога осудуваме, ние сме полни со горчина и тогаш сме нерасположени, а оние околу нас може да го забележат ова. Наместо да бидеме извор на љубов и топлина, ние стануваме личност која другите сакаат да ја избегнат. Таа негативна енергија не ги погодува само другите, туку и нас самите. Тоа може да води кон негативна слика за самите себе. Мислите кои ги упатуваме кон другите, ни се враќаат нам и тоа ја креира нашата личност.
Време е да се промениме. Да даваме повеќе комплименти, да се обидеме да имаме разбирање за оние на кои тоа им е потребно. Да ги наградиме оние во нашата околина со љубов и поддршка. Време е да се обидеме да го најдеме убавото во личностите кои ги среќаваме. Во секоја една личност се крие нешто убаво. Нудете им љубов и на оние кои ја одбиваат. Понекогаш, дури и најпесимистичната личност може да биде променета, доколку ѝ пристапите со љубов и разбирање. Љубезноста не чини многу, но создава премногу!
