Оливија Палермо ни одржа лекција како да носиме монохроматски комбинации оваа есен
Оливија Палермо во шик монохроматско издание
Оливија Палермо на Модната недела во Париз се прошета во фантастично издание со кое беше главна ѕвезда во првите редови на ревијата на „Balmain“. Познатата њујоркчанка носеше деловно-кежуал издание во светло кафеава нијанса преполно со златен сјај кое потполно се вклопува во есенскиот моден колорит. Станува збор за комплет од престижниот дизајнерски бренд „Max Mara“ составен од широки ¾ килоти и плетен џемпер со крупно ткаење и елегантен елек без ракави со дворедно закопчување. Елекот е полн погодок бидејќи сакото можеби е поочекувано, но дефинитивно би се одразило негативно на големото модно изненадување што ни го приреди миленичката и музата на многу дизајнери со ова шик издание..
Единствени отстапки од монохроматизмот имаме кај фантастичните шпиц високи потпетици со децентно ременче околу зглобовите, додека благите бранови и златни прамени во косата потполно се согласуваат со целата комбинација.
Па, дали ви се допаѓа Оливија во ова издание?
