Џејн Фонда и на 80 години нема проблем да го носи најголемиот тренд за оваа пролет
Џејн Фонда ни покажа фантастично издание составено од црвена и розова боја, комбинација која важи за еден од водечките трендови за оваа пролет.
Познатата актерка и легендарната кралица на аеробикот која што палеше и гасеше во 80-тите на премиерата на романтичната комедија „Клуб на привлечни жени“ се појави во фантастично издание.
За стилот на 80-годишната оскаровка се погрижи познатата стилистка Тања Гил којашто својата клиентка овој пат ја облече во ефектен црвен костум под кој се наѕираше впечатлива розова блуза без ракави.
Креацијата е со потписот на познатиот американски дизајнер Брендон Максвел, а целото издание го заокружи со шпиц црвени високи потпетици и плико чанта во идентична нијанса како и блузата, додека статусот на холивудска дива го запечати со нејзината препознатлива фризура и скапоцен накит составен од дијамантски обетки и нараквици.
