Сокови што ќе ви помогнат да ја вратите вашата линија
Постојат периоди во годината кога едноставно претеруваме со брзата храна со која внесуваме непотребни калории во нашето тело. Токму затоа мнооогу е важно како да го согориме вишокот калории и да ги отстраниме штетните работи од организмот. Во тоа можат да ни помогнат разноразни намирници кои можеме да ги консумираме како смути, чај или сок. Тие ќе ни помогнат да ослабиме, но и да ги исфрлиме токсините од организмот, да ја вратиме енергијата, да го поправиме имунитетот, да го подобриме изгледот на кожата и што исто така е многу важно, а ако не и најважно – да се чувствуваме убаво. Соковите кои делуваат одлично за оваа намена се сокот од лимон и цимет, односно од краставици.
Сок од лимон и цимет
5 дцл вода
2 лажички сок од лимон
2 лажицки оцет од јаболко
1 лажичка цимет
Помало јаболко
Во водата додадете го сокот од лимон, јаболковиот оцет, циметот и мешајте. Јаболкото треба да го излупете, а потоа да го исечете во коцки и да го додадете во напитокот. Сокот пијте го преку ден, а коцките од јаболкото грицкајте ги.
Сок од краставици
3 дцл вода
1 помала краставица
Пола цитрон
1 лажичка ситно исечен магданос
1 лажичка ѓумбир
Излупете ги краставицата и цитронот, пресечете на парчиња и ставете во блендер. Додадете магданос и ѓумбир, т.е. 3 дцл вода и добро изблендирајте. Најдобро е сокот да го испиете веднаш откако ќе го направите.
Наш совет
Користете само сезонски производи, односно преку зима правете го почесто првиот сок, додека преку лето можете да ги консумирате и двата.
