Од стрелаштво до уметност – Дивна Пешиќ денес е поубава од кога било (фото)
Пред пет години, Дивна која е ликовна уметница, отвори сопствена галерија во Денвил, и од време навреме на социјалните мрежи објавува фотографии од изложбите.
Нашата најдобра стрелачка, Дивна Пешиќ Грозаднов, со 37 државни рекорди во машка и женска конкуренција, со два златни медала на Балканот, 14-то место во Европа, 15-ти резултат во светот во стрелаштво, денес „пука“ во платната. Со бои.
Со сопругот Блаже и двете деца, Стефан и Виктор, живеат во Америка. И Дивна денес, преубава е!
Пред пет години, Дивна која е ликовна уметница, отвори сопствена галерија во Денвил, и од време навреме на социјалните мрежи објавува фотографии од изложбите. Така беше и овојпат.
На фотографиите позира во црно-син фустан со нагласено деколте, а препознатливата кадрава коса го привлекува вниманието, како и извајаната фигура.
Убавицата од Кавадарци, како што порано се докажа во стрелаштвото, денес е етаблирана сликарка, среќна сопруга и реализирана мајка.
Додека Дивна за многумина е инспирација и поим за жена, таа во едно интервју ни откри дека за неа поим за жена е мајка ѝ.
„Мојот поим за жена била мајка ми, на лик поубава од Софија Лорен, во душата подобра од ангел, во срцето похрабра од маж, цел живот среќно вљубена во татко ми, посветена на семејството, вредна, паметна, духовита, образована, хумана… Разликата во моето гледиште кон поимот жена е што откако јас станав мајка ја почувствував безусловната љубов и силата која ти ја дава семејството“, ни рече тогаш Дивна.
Инаку, во 2024 година, Дивна се најде на престижната листа на топ десет најдобри современи уметници во светот.
