OГРОМНА ТАГА – Почина познатата манекенка Марија

Оваа вест растажи многу фанови на ѕвездата на Инстаграм Марија Софија Витор

Бразилската ѕвезда на Инстаграм Марија Софија Витор почина на 19 години по трансплантација на црн дроб, објави нејзиниот татко. Оваа тинејџерка на 7-ми декември мораше да оди на итна операција, кратко пред тоа нејзиното семејство објави дека бара донатор.

„Мојата најстара ќерка Софија има сериозен здравствен проблем, поради што од утрово е на листа на чекање за трансплантација на црн дроб. Би ве замолил да се помолите за мојата ќерка и за сите оние кои ја сакаат“, изјави Витор Валим.

Оваа вест растажи многу фанови на ѕвездата на Инстаграм Марија Софија Витор.

„Со најголема болка и тага ги известувам сите дека мојата сакана ќерка Софија почина. За жал, нејзиното тело не издржа“, изјави очајниот татко кој претходно јавно проговори за нејзината борба:

„По законската процедура и откако влезе во редот за трансплантација на црн дроб, Софија успеа да најде донатор поради итноста на нејзиниот случај.

Утрово е пронајден компатибилен донатор и операцијата е успешно извршена. Но, таа сепак ќе биде под опсервација во следните 48 часа за да се види дали нејзиното тело ќе го прифати новиот орган.

Би сакал да му се заблагодарам на семејството донатори за нивното сочувство и помагањето на мојата ќерка да добие нов живот.

Господ да ги благослови. Ве молиме продолжете со вашите молитви и позитивна енергија во оваа нова фаза од борбата на Софија“.

Витор Вадим е градоначалник на бразилската општина Каукаја, неговата ќерка Софија Марија присуствуваше на концертот на Тејлор Свифт во Сао Паоло пред неполн месец. Тој не откри какви компликации следеле по операцијата, која резултирала со фатален исход.