Светските модни списанија веќе откриваат која ќе биде најактуелната боја за престојната сезона есен 2024. Излозите на продавниците ќе бидат преплавени со бојата на виното.
Модните трендови за оваа есен наговестуваат дека треба да го обновите плакарот со парчиња во нијанси на темно црвена боја. На сите страни ќе доминираат овие тонови, облека, чанти, мантили, чизми, патики, модни додатоци во крв-црвено е хитот кој инфлуенсерките веќе го истакнуваат на виралните видеа.
И Македонките знаат да ги препознаат светските модни трендови. Нашата модна дизјанерка е предвесник на модата, Маја Кикириткова на еден настан воодушеви со нејзиниот изглед.
Облечена во долг фустан со изразен шлиц, долги ракави, а затворено деколте Кикириткова блескаше во оваа креација во бордо боја.
Мајка на две мали деца со совршена линија која инспирира.
Дизајнерката аутфитот го надополнила со златни модни додатоци, како златни сандали, масивен накит, обетки во златна боја и маркантна златна чантичка.
Бордо совршено оди со златни детали, но бидете храбри и со сребрените моменти, на пример, ставете убав сребрен накит со црна чанта и сребрени салонки. Не заборавајте да ги истакнете усните со бордо боја.
Дел од брендовите во новите колекции ги покажаа ексклузивните бордо парчиња. Ние го пронајдовме овој секси светкав фустан на „Зара“ кој чини 3990 денари.
Можете да „украдете“ некоја идеја од најновите креации, да си купите материјал и да сошиете фустан од насловна страна.
Ако сакате да влезете во ритамот на модата следниот шопинг одберете нешто во бордо. Во продолжение неколку предлози како можете да изгледате оваа есен.
