Меган Маркл со ова фантастично пролетно издание повторно ги прекрши кралските модни правила
Пролетно женствено издание со риги кои никогаш не излегуваат од мода
Модната икона на годината Меган Маркл ни покажа фантастично пролетно издание, но истовремено и прекрши неколку правила до кои треба да се придржува како дама од кралскиот двор. Имено, идната принцеза заедно со принцот Хари се појави на еден хуманитарен настан на кој повторно во фокусот беше нејзиниот прекрасен моден избор. Поранешната актерка обој пат носеше миди фустан со риги од американскиот дизајенр Жосеф Алтузара во комбинација со војничко сако од Марк Јакобс и шик црни високи потпетици од познатата британска дизајнерка Тамара Мелон.
Но пред да го прогласите ова издание за совршено, не заборавајте на строгиот протокол што го „проповеда“ британскиот кралски двор.
Имено, според правилата секоја дама од кралското семејство на официјалните настани под фустанот МОРА да носи проѕирни хулахопки, а чантата не треба да ја носи преку рамениците, туку во рацете што овој пат не беше случајот и со „непослушната“ Меган.
