Нови погодности за семејствата што живеат во Германија – убави вести за милиони жители од оваа земја
Коалициските преговори меѓу партиите во Германија би можеле да донесат нови позитивни промени
Нова коалиција, нови предлози за детскиот додаток во Германија
За многу прашања политичарите во новата федерална влада во Германија се уште жестоко дискутираат, а веќе во следните неколку дена се очекуваат да бидат донесени и првите нови одлуки.
На самиот крај од овие преговори ќе следува и финансиска проверка кои проекти што новата влада ќе ги утврди навистина ќе може и финансиски да го поддржи, бидејќи парите се уште се главна тема и покрај големите можности за финансиско задолжување што се уште го имаат.
Од она што досега е познато е дека политичарите сакаат поголеми додатоци за оние родители кои имаат повеќе од две деца – за третото но и за секое следно детскиот додатокот да биде поголем отколку за првото.
Како што пишува Феникс магазин, хрватски портал во кој објавуваат вести за земји во кои живее нивната дијаспора, во Германија од 2023 година исплатата на детскиот додаток е стандардизиран и од тогаш родителите добиваат ист износ за секое дете. Но се уште е нејасно дали новата влада ќе успее да ги донесе промените, бидејќи внатре во самата коалиција не го поддржаа сите предлогот.
Фото: Унсплаш
Детскиот додаток моментално изнесува 255 евра по дете во Германија – секое дете има право на овој додаток од самото раѓање.
Само во 2022 година според Сојузниот завод за статистика, Германија исплатила речиси 50 милијарди евра детски додаток за околу 17.2 милиони деца.
Овие пари семејствата во Германија ги добиваат на различни датуми во месецот што зависи од последната цифра на бројот на детскиот додаток.
Пексел
Нови погодности и во Австрија
Германија и Австрија се земји во кои живеат и ногу наши иселеници, а голем број наши сограѓани заминаа и во последните години.
Но како што велат некои од нив, животот и на Запад не е тоа што беше, посебно кога ќе се спореди со периодот од пред короната.
За време на короната и Австрија и Германија беа погодени од кризата, но таа почна да се продлабочува со започнување на војната во Украина и новите геополитики.
Секојдневно поскапуваат енергентите, што доведе до повисоки сметки за струја, но и големи поскапувања на речиси сите неопходни производи за нормален живот. Инфлацијата и во овие земји се уште е висока, па владата и во Австрија реши да воведе низа мерки со кои би им помогнала најмногу на оние што се најпогодени од кризата, односно од новите поскапувања.
Зголемување на детскиот додаток
Самохраните родители со максимален приход од 25.725 евра годишно од јули оваа година ќе примаат плус 60 евра по дете месечно, што на пример за мајка со две деца би изнесувало речиси 1500 евра годишно.
Покрај овие мерки, откако сметките за струја пораснаа за околу 35 % што беше дополнителен товар за граѓаните, оние што живеат во Виена и Велс ќе добиваат и бонуси за сметките за струја од 100 евра.
Исто така во многу провинции во Австрија граѓаните оваа година ќе можат да поднесат и барања за субвенции за греење до 350 евра.
Повеќе за ова прочитајте тука.,.
