Нови лица во жирито на „Никогаш не е доцна“ – има и Македонка меѓу нив, ќе се израдувате на овие легендарни имиња!
Еве кои влегуваат во шоуто.
Популарното музичко натпреварување „Никогаш не е доцна“ (Никад није касно) влегува во нов циклус со освежен состав на жири-комисијата.
Познатиот композитор Саша Милошевиќ Маре и понатаму останува постојан член на жирито, а секоја недела ќе му се придружуваат двајца нови гости–стручњаци од музичката и медиумската сцена.
Овојпат, во шоуто ќе влезат водителката Сузана Манчиќ и пејачот Џенан Лончаревиќ, кои ќе имаат задача да ги оценуваат настапите и да уживаат во музиката и животните приказни на ветераните што се пријавуваат во ова уникатно натпреварување.
На една од фотографиите објавени од Гранд продукција ја видовме и нашата музичка ѕвезда Калиопи, но не е појаснето дали таа ќе биде во слична улога како Сузана Манчиќ или пак, ќе ја видиме како дел од жирито.
Многумина ги збуни и најавата дека Жика нема да го видиме во „кралската столица“, па се наметна прашањето дали се повлекува и кој ќе биде на негово место.
Според продукцијата, снимањата во студиото повторно донесоа и емотивни моменти. Водителката Драгана Катиќ откри дека едвај ги задржала солзите кога на сцената го видела својот долгогодишен колега Жика Јакшиќ. Тој извесен период беше отсутен од снимањата поради здравствени причини, но по закрепнувањето се врати како дел од новата сезона, на радост на целата екипа.
„Кога ја завршувавме претходната сезона реков дека чувствував голема празнина на сцената. Но работевме одлично, сите заедно, и тоа беше можно затоа што имавме таков учител и креатор на оваа емисија“, изјави Катиќ, не криејќи ја својата емотивност.
