Што да правите кога ќе ви се расипе фигарото или кога ќе заборавите да си го вратите од вашата пријателка, а итно мора да ја средите фризурата? Послужете се со сопствениот радијатор!
Имено, 22-годишната Американка Емили Кендал, се нашла токму во оваа ситуација и дошла до еден мошне иновативен трик. Како што открива таа, нејзината 3-годишна ќерка тргнала да ја допре цевката од радијаторот, а таа веднаш ја предупредила да не го прави тоа зашто е жешка, па тогаш ѝ дошла оваа необична идеја.
Се фрлив на колена и почнав да ја мотам косата околу радијаторската цевка. Ми требаа околу 20-тина минути за да ја извиткам целата коса, а со фигарото вообичаено ми требаат 40-тина минути.
Притоа додала дека на овој начин штеди и електрична енергија, што е уште една предност, па сигурно ова ќе го повтори и во наредна прилика.
Сепак, вие самите размислете колку е безбедно да го правите ова, па ако не сте подготвени не се обидувајте сами во својот дом!
