Ништо не е поважно од среќата на нашите најмили

Не е важно колку пари ќе однесете дома на крајот на денот, ако на вашите најмили им недостасува вашиот лик и вашата насмевка.

Не е важно колкава моќ ќе уживате во општеството, ако притоа страдат вашите најсакани. Запаметете дека во животот ништо не е поважно од среќата на вашите најмили. Најубавиот подарок кој можете да го добиете е насмевката на вашето дете. Најубавиот накит кој можете да го носите се рацете на вашите малечки кои одвај чекаат да влезете дома и да ве прегрнат.

Не дозволувајте да ги пропуштите овие важни моменти. Некои работи никогаш не се повторуваат. Ќе дојде ден кога ќе се сетите дека радостите ви поминале низ вашите очи, додека вие сте зјапале непрекинато во вашиот монитор. Искористете го секое слободно време за да им се радувате на малите моменти, зашто тие го сочинуваат вистинскиот живот. Деновите минуваат брзо, не дозволувајте да му бидете роб на животот. Сето богатство на светот не може да го купи она уживање со  најблиските и смеата која одекнува од детските усни.

Бидете тука за нив, секогаш и во секое време. Создавајте спомени, не дозволувајте во староста да се каете поради сегашните погрешни избори!