Никогаш не ги чистете овие предмети со оцет – може трајно да ги оштетите

Иако оцетот често се препорачува како природно и ефикасно средство за чистење во домаќинството, неговата употреба не е секогаш безопасна.

Поради неговата киселост, оцетот може да предизвика трајни оштетувања на одредени површини и апарати за домаќинство.

Не секоја површина е погодна за чистење со оваа киселина, во некои случаи, штетата може да биде неповратна. Еве кои предмети никогаш не треба да ги чистите со оцет:

Природен камен (гранит, мермер, кварц и сл.)

Киселината во оцетот може да ја нагризе површината, да го уништи природниот сјај и да ја оштети заштитната облога на каменот, односно маермерот.

Наместо оцет, користете чистачи со неутрален pH, специјално наменети за природен камен.

Машина за садови

Оцетот може да ги оштети гумените делови и споеви во машината, што може да доведе до протекување или до дефекти.

Подобра алтернатива е сода бикарбона или средства препорачани од производителот.

Машина за перење

Иако некои домаќинки препорачуваат оцет за одржување на машината за перење, честото користење може да предизвика пукање на гумените делови.

За чистење користете тополa вода и сода бикарбона, кои се поблаги, но ефективни.

Нерѓосувачки челик (инокс)

Редовната употреба на оцет може да предизвика дамки, изгребани површини и губење на заштитниот слој. Наместо тоа, исчистете со мекa крпа, благ детергент и топла вода.

Дрвени подови и мебел

Оцетот ја суши дрвената површина, ја оштетува заштитната полиуретанска облога и остава леплива трага. Користете специјализирани препарати за дрво, и избегнувајте премногу влажни крпи.

Кожни производи

Оцетот ги отстранува природните масла од кожата, што може да доведе до сушење, пукање и губење на еластичноста.

За кожни јакни, чанти и мебел користете производи наменети за нега на кожа.

Кујнски ножеви

Посебно ножевите од јаглероден челик се чувствителни на оцетот. Контактот со оцет може да предизвика корозија и губење на острината.

Измијте ги со благ детергент и добро избришете ги.