Реномираната платформа „Тејст Атлас“ ја објави листата на најслабо рангирани, односно најлоши јадења, на светско ниво, а секако на неа се најде и Македонија со своите специјалитети.
Сигурни сме дека ќе се изненадите, ама на оваа топ 10 листа се најдоа јадењата кои ние, Македонците, толку многу си ги сакаме.
Еве кои наши специјалитети се на оваа листа – кукурек (односно цревца), симит погача, компир манџа, чомлек, макало, ширден, качамак, ѓомлезе, козињак и слатко од диви смокви.
Но, ако е за утеха, соседна Србија на оваа „лоша“ листа се најде со 13 српски специјалитети, кои ние од регионот ги обожаваме.
На пример, најлошо рангирани српски јадења се пача, лесковачка кавурма, шкембе чорба, попара, грав, ролат со мак, српска салата, (полу)жива плескавица, јуфки со мак, рибја чорба…
Од турската кујна, која е исто така популарна и кај нас, рангирани се дури 63 „најлоши“ јадења меѓу кои турлитава, печена јагнешка глава, манџа од бамии, шкембе чорба, ќофте во сос, локум, суџук, шеќерпаре, баклава со вишни, раванија, пилав со модар патлиџан, тулумба, полнети тиквици и други.
