Невообичаен момент во скопски клуб – Угро објави видео што го разнежни интернетот! (Видео)

Поранешниот рапер Никола Угриновски – Угро, кој е дел од првата генерација на македонски хип-хоп изведувачи, сподели емотивен момент поврзан со неговата ќерка.

Таа неодамна се забавувала во ноќен клуб во Скопје, каде што ја запеала токму неговата песна „Знам дека си ти“ – големиот хит кој годинава полни речиси три децении.

Гордиот татко го сподели видеото на социјалните мрежи со коментар: „Чудно е кога твое дете пее твоја песна во клуб, 28 години откако е направена“.

Денес 53-годишниот Угро живее надвор од Македонија, затоа што веќе повеќе од една деценија работи на брод. Иако често патува низ светот, редовно се враќа дома за да помине време со своите две ќерки кои живеат во Скопје.