Невиден скандал на изборот за Мис Универзум – Мексиканката ја напушти церемонијата, останатите ѝ се придружија
Најмоќен чин на женска солидарност во историјата на натпреварувањето.
Најголемото светско натпреварување за убавина, „Мис Универзум 2025“, кое моментално се одржува во Бангкок, стана центар на светското внимание поради неочекуван скандал што ја потресе церемонијата.
Мексиканската претставничка Фатима Бош (25) го напушти настанот по јавна расправија со тајландскиот организатор на националниот настан, Науат Ицарагрисил (60), кој за време на пренос во живо ја навредил со зборот „глупава“.
Advertisement
Инцидентот настанал кога Науат јавно ја обвинил Бош дека пропуштила снимање за еден спонзор, по што атмосферата станала напната. Мексиканката, видливо потресена, одбила да биде понижена пред останатите учеснички и демонстративно ја напуштила просторијата.
Неколку натпреварувачки, меѓу кои и актуелната Мис Универзум Викторија Кјер Тејлвиг (22), ѝ се придружиле во знак на солидарност.
Сцените од конфликтот веднаш се проширија на социјалните мрежи, каде што корисниците ја прогласија ситуацијата за „најмоќен чин на женска солидарност во историјата на натпреварувањето“. Хаштагот #StandWithMexico и #JusticeForFatima станаа глобално вирални.
Qué fuerte lo que le pasó a Fátima Bosh en el Miss Universe. Fue insultada por Nawat, presidente de MU Tailandia, pero ella respondió con dignidad y se retiró del evento. Varias compañeras la respaldaron y se fueron con ella. Sororidad real.
#MissUniverse pic.twitter.com/jLwQTBhlzF— Abril 🪼✨ (@Checosauros) November 4, 2025
Од организацијата „Мис Универзум Мексико“ веднаш издадоа соопштение во кое целосно застанаа зад Фатима Бош, нагласувајќи:
„Ниту една жена, на која било сцена, не заслужува да биде понижена.“
View this post on Instagram
Оваа изјава предизвика силен одек во Латинска Америка, каде што Бош стана симбол на достоинство и смиреност.
Victoria is proving why she won Miss Universe last year — standing with Miss Mexico against Nawat 👏🏻 Women supporting women and speaking up. #MissUniverse pic.twitter.com/Z9bozvetW6
— Lexy (@Lexykaoltz) November 4, 2025
Неколку часа подоцна, официјалната организација на „Мис Универзум“ реагираше со соопштение во кое потврди дека останува посветена на „почитување, безбедност и професионална атмосфера“. Најавија и пристигнување на висока делегација во Бангкок со цел да се разгледа ситуацијата и да се обезбедат услови за продолжување на натпреварот.
Фотографиите од напуштањето на сцената, снимените солзи и аплаузот на публиката, станаа симбол на момент што го надмина светот на убавината, претворајќи го во приказна за достоинство, храброст и меѓусебна поддршка меѓу жените.
