Неверојатна животна приказна – жена го користи своето суперсетило за мирис за да им помогне на научниците да откријат Паркинсонова болест за неколку минути!

Не секогаш ги избираме нашите таленти, дарови од природата. Супермоќта на Џој Милн, која ја наследила од семејството на нејзината мајка, се состои во многу акутно, силно чувство за мирис.

Милн можеби никогаш немаше да го искористи нејзиниот талент, или дарба, како сила за да направи нешто големо и добро да не беше нејзиниот денес покоен сопруг Лес Милн.

Лес и Џој се запознале во тинејџерските години и тоа било љубов на прв „мирис“.

„Имаше прекрасен мирис на себе, машки, на мошус. Навистина имаше“, изјави таа за NPR.

По многу години среќен брак, Џој забележала дека нејзиниот сопруг, кој тогаш имал 30-тина години, развил „надворешен непријатен мирис на квасец“.

Тековната шега, односно забелешка кон Лес ѝ била дека тој „не се капе доволно често“.

Конечно, мирисот на Лес нема да биде единственото нешто што кај него се променило. Џој забелеала дека нејзиниот некогаш забавен, внимателен сопруг целосно се трансформирал, станувајќи „нерасположен“, раздразлив, па дури и агресивен.

За жал, Лес не добил соодветна Паркинсонова дијагноза до 45-годишна возраст.

Џој не се посомневала дека некако, на некој необичен начин, можела да ја открие болеста на сопругот сè додека не отишла со Лес во посета на група за поддршка што се борела со Паркинсонова болест.

Тогаш забележала дека истиот карактеристичен мирис ја исполнува целата просторија.

In collaboration with @stumpw0rk50 (the woman who can smell Parkinson’s disease) and @drupad_t from Manchester University, APOPO is running some ground-breaking trials to evaluate if the scent of tuberculosis (TB) can be detected from bio-samples other than sputum. #APOPOScience pic.twitter.com/qoYGLNv85k

— APOPO (@herorats) July 5, 2022

Откако го споделила откритието со нејзиниот сопруг, таа знаела дека мора да преземе нешто.

Џој започнала да работи со истражувачи од Универзитетот во Единбург и преку серија експерименти потврдила дека може да намириса Паркинсонова болест со беспрекорна точност.

Сега научниците создадоа нов метод за откривање на оваа болест врз основа на посебната дарба на Џој.

Според верувањето дека Паркинсоновата болест влијае на мирисот на личноста поради хемиска промена во себумот кој го произведуваат жлездите, лекарите едноставно поминуваат со памук по задниот дел на вратот на пациентот, а потоа идентификуваат специфични молекули поврзани со невролошката состојба. Би-би-си објави дека тестот со кожен брис е 95% прецизен во лабораториски услови.

Иако овој медицински напредок е сè уште во рана фаза, откритието е ветувачко.

Во моментов не постои дефинитивен тест за да се добие Паркинсонова дијагноза и, како што објасни Џој за Скај њуз, болеста често не се идентификува додека пациентите немаат „над 50% од невронското оштетување“.

Joy Milne, who can ‘smell Parkinson’s Disease’ has helped scientists from The University of Manchester develop a test to diagnose the disease within minutes. 👃 pic.twitter.com/j68oSQnM2o

— The University of Manchester (@OfficialUoM) September 8, 2022

Сопругот на Џој починал во 2015 година на 65 годишна возраст. Доколку имаше рана дијагноза на болеста, можеше да даде можност да го подобри неговиот животен стил.

„Откриено е дека вежбањето и промената на исхраната можат да направат феноменална разлика и да дадат одлични резултати“, изјави Џој за „Гардијан“.

Таа, исто така, напомена дека тоа би значело објаснување за промените во расположението, а да не зборуваме за патувања и поминување повеќе време со семејството, односно, во искористување на максимумот од преостанатото време. Тоа е можеби најголемата благодат што може да ја понуди раната дијагноза.

Последната желба на Лес пред да почине била Џој да продолжи да го користи нејзиниот неверојатен талент, уверувајќи ја дека „тоа ќе направи разлика“ во животот на пациентите.

Џој го одржува тоа ветување и моментално ја проширува својата моќ за „супермирис“ која ѝ помага да намириса и други болести како рак и туберкулоза.