Неподвижни лица сместени на највисоките катови: Огромна трагедија во Тузла, 12 загинати по пожар во дом за стари лица

Тузла е обвиткана во црно! Бројот на жртви од пожарот во домот за стари лица во Тузла се искачи на 12. Пред зградата каде што се случи трагедијата, маж кој ја чекаше својата сопруга, кој, како што кажа, била вработена во домот.

Тој, видливо потресен, откри некои помалку познати детали од оваа трагедија за Telegraf.rs.

„Мојата сопруга работи тука со години. Ова е огромна трагедија за целата земја. Таа беше таму кога избувна пожарот синоќа, работеше. Тие помагаа и спасуваа луѓе со пожарникари цела ноќ“, изјави тој.

Како што додаде, неколку нејзини колеги беа повредени, а едно нешто сè уште не му изгледа логично.\

„Неколку нејзини колеги беа повредени, претежно од вдишување чад, фала му на Бога што е добро. Претпоставувам дека пожарот започнал во една од собите. Ни јас не ја разбирам логиката лицата со попреченост да бидат на највисоките катови. Сега, кога дојдов да ја земам, слушнав дека починало уште едно лице“, рече тој.

Пожарот избувнал синоќа кратко пред 21 часот на 7-миот кат од домот за стари лица. Според локалните медиуми, тешко болните жители, вклучувајќи ги и оние со деменција и оние со попреченост, биле сместени на повисоките катови.

Според последните официјални информации, вкупно 12 лица загинаа во пожар што синоќа зафати дел од зградата на Домот за стари лица во Тузла, додека 35 лица побарарале медицинска помош во Универзитетскиот клинички центар во Тузла.

Седмиот кат од зградата на Домот за стари лица беше зафатен од голем пожар синоќа, а градоначалникот на Тузла, Зијад Лугавиќ, потврди за Klix.ba дека 11 лица загинале, додека 35 побарале медицинска помош.

Според информациите со кои располага Кликс, меѓу загинатите има жители на домот кои биле на седмиот кат од зградата. Станува збор за неподвижни лица со тешко нарушено здравје.

Лугавиќ изјави дека меѓу повредените кои побарале медицинска помош има жители и вработени во домот, како и полицајци, пожарникари и медицински техничари. Според неофицијални информации, тројца од повредените се во критична состојба.

„Вонреден состанок на Градскиот совет на Тузла ќе се одржи во осум часот, по што ќе следи состанок на градоначалникот и цивилната заштита. По тој повод ќе планираме понатамошни активности, но дури откако истражните органи ќе го завршат својот дел од работата“, изјави Лугавиќ за Klix.ba.

Трагедијата е дополнително продлабочена од шокантниот факт дека на горните катови, каде што избувна пожарот, биле сместени најранливите жители – лица со деменција и тешки форми на рак, пишува Klix.ba.