Скијачите на Попова Шапка ќе мора да почекаат да се смири ветерот за да можат да скијаат.
Ски-лифтовите и жичниците не работат поради безбедносни причини, утринава од Ски-центарот пристигна известување до јавноста.
🚨ИЗВЕСТУВАЊЕ
Моментално, заради засилниот ветер, нема услови за скијање.
Поради безбедносни причини, нема да работат ски-лифтовите и жичниците во Ски-центарот “Попова Шапка”.
Доколку временските услови продолжат вака и во текот на ноќта, во тој случај ќе го одложиме и ноќното скијање.
📌 Ги следиме временските прилики и навреме ќе ве информираме за сите промени.
Инаку, сезоната започна на 16 декември и веќе интересот е огромен. Како што можеме да забележиме и до видеото и во моментов има многу луѓе на Попова Шапка.
Од 500 до 1300 денари се цените на билетите за оваа сезона, во зависност од возраста и дали се работи за полудневен и дневен билет.
Сезонските билети се од 13.000 денари за деца, 16.000 за млади, на возраст од 26-62 години ќе платат сезонска карта од 19.000 денари, а за највозрасните над 63 години билетот чини 12.000 денари.
