Некогаш работел како келнер и продавал весници, а сега Македонија, па и Словенија ќе навива за него

Овој пејач важи за еден од фаворитите на многумина

Мирослав Тодосовски Миро веќе со години живее во Љубљана, но неговото потекло е од Македонија со што се гордее.

Тој иако не сакал да се пријави во „Никогаш не е доцна“, решил да го послуша пријателот кој што го наговорил, а сега не крие дека ова му било една од најдобрите одлуки во неговиот живот.

Принтскрин/ Јутуб, Никогаш не е доцна

Миро и со својот последен настап во полуфиналето ги воодушеви сите, а од жирито доби само пофални зборови.

Тоа беше доволно да се пласира директно во финалето, а во моментов важи и за еден од фаворитите во шоуто.

Принтскрин/ Јутуб, Никогаш не е доцна

Миро во полуфиналето настапи со песна од Жељко Бебек, а како помина овој негов настап погледнете во продолжение:

Инаку, Миро во еден од претходните кругови настапи со песна од легендарниот Тоше Проески, со кого се познаваше и беше пријател, а за овој негов настап се зборуваше со денови.

Принтскрин/ Јутуб, Никогаш не е доцна

„Дојде време да запеам и нешто на македонски. Татко ми е од Македонија и роднините од Скопје ми напишаа да не доаѓам повеќе во Македонија, ако не испеам некоја македонска песна. Имав чест да го познавам покојниот Тоше и навистина беше срце, голема енергија. Кога ќе застанеш покрај него, ти се тресеа рацете, таква енергија имаше“ изјави Мирослав тогаш, непосредно пред неговиот настап.

Како изгледаше неговата изведба на „Тајно моја“ кога речиси сите во студиото ги донесе до солзи, погледнете тука.

Принтскрин/ Јутуб, Никогаш не е доцна

Потсетуваме, како и секоја година така и овој пат победникот ќе биде избран во финалната вечер на 29 јуни.

И оваа година ќе има тројца победници, а кој ќе биде избран ќе зависи од жирито, СМС пораките и гласовите од Фејсбук.

Принтскрин/ Јутуб, Никогаш не е доцна

Покрај Миро, оваа година во големото финале од Македонија се и Кире Науновски и Зоран Рудан Цеки.

Повеќе за ова прочитајте тука.