Неговите години НИКОГАШ не ѝ пречеле на Евгенија – поранешната манекенка ужива во бракот со Вело

Поранешната манекенка Евгенија Марковска веќе со години е во складен брак со професорот д-р. Вело Марковски.

Тие оваа година ќе прослават осум години брачен живот, а круна на нивната голема љубов се нивните две деца, син и ќерка.

И како што самата Евгенија има откриено во една пригода за Гламур магазин (повеќе за ова тука), нивната љубов започнала на Медицинскиот факултет, каде таа најпрво била негова студентка, па асистентка, а по извесно време нивната успешна соработка и колегијалност сосем случајно преминала во љубов.

Но откако тие во јавноста ја открија нивната врска, заради големата разлика во годините, тие често се мета на критики.

Инстаграм/ Евгенија Марковска

Сепак, овие мислења на поединци на Евгенија не и пречат премногу, па како што самата вели, за нив разликата во годините никогаш не била проблем или пречка за развојот на нивната врска, па и бракот.

„Нашето општество едноставно е такво и не може да се прифати доколку некој не се вклопува во поставените стандарди“, изјави тогаш Евгенија додавајќи дека негативни коментари имало отсекогаш и дека не очекува да престанат, но едноставно таа на тоа не му продава значење.

Инстаграм/ Евгенија Марковска

„Има многу врски и бракови кај нас и во светот со голема разлика во години кои функционираат одлично. Така што ако партнерите се почитуваат и сакаат меѓу себе ниту разликата во години, оддалеченоста, верата и сл. не се никаква пречка за нивната врска/брак да напредува“, изјави тогаш Евгенија за Гламур.

Инстаграм/ Евгенија Марковска

Инаку, кога го правевме интервјуто со Евгенија, беше актуелен и скандалот на Онкологија, кога многу тешко болни пациенти остануваа без својата неопходна терапија, а вработени во болницата ја препродаваа за голема сума на пари. Па како дел од медицинската фела, но и како граѓанин на Македонија, тогаш ја прашавме Евгенија како ги коментира овие случувања.

Инстаграм/ Евгенија Марковска

„Со неверување. Можно ли е како луѓе, еден поединец, или повеќе од нив да прават такви дела? Мислам дека се повеќе ги губиме вистинскиот морал и вистинските човечки вредности. Особено боли што ова се случувало (ако е се вистина) во врвна клиника во државава, и се уште не можам да поверувам дека некои медицински лица правеле такви работи. Сакам да верувам дека сето тоа не е вистина“.

Инстаграм/ Евгенија Марковска

„Многу жално за луѓето кои се надевале дека добиваат нов, скап лек кој секако ќе им помогне. Најтешко им е сигурно на нивните најблиски, кои покрај загубата, сега се соочуваат со сознание или стравување дека можеби нивниот близок ќе се спасел ако го добивал вистинскиот лек, додаде тогаш г-ѓа Марковска.

Инстаграм/ Евгенија Марковска

Целото интервју со Евгенија прочитајте го тука...