Неделен хороскоп од 17 до 23 ноември – Убаво изненадување за Раковите, силни страсти за Скорпиите, нежност за Рибите

Со Меркур кој останува ретрограден во знакот на Шкорпија, оваа недела ѕвездите ве повикуваат да забавите и да го слушате она што зборовите не го кажуваат.

Време е да погледнете под површината, да ги преиспитате изборите, врските и мислите со подлабоки очи.

Откријте што ви подготвија ѕвездите за претстојната недела, од 17 до 23 септември.

ОВЕН – внимавајте на детали

Во љубов ве очекува мирна недела, составена од мали гестови кои го загреваат срцето и ја враќаат блискоста во врската. Ќе се чувствувате слободни да бидете свои, без маски!

На работа, ситуацијата е стабилна: проектите напредуваат, идеите се јасни и соработките се течни. Меркур ретрограден ве повикува само внимателно повторно да ги прочитате деталите.

Енергијата е висока и умот позитивен кога станува збор за здравјето: во фаза сте на целосна виталност, совршена за да го вратите ритамот и самодовербата! Среќата, во понеделник ќе биде подалеку од вас.

БИК – чекор назад

Оваа недела Венера не ви помага и љубовта станува потешка: тензии, тишини и недоразбирања бараат да направите чекор назад. Сега не вреди да форсирате!

На работа, Меркур ја комплицира комуникацијата: погрешно разбрани зборови и доцнења може да создадат стрес. Подобро е да разјасните сè со смиреност и да не реагирате инстинктивно.

Добра енергија кога станува збор за здравјето: телото реагира добро ако го третирате со нежност! Лоши денови од аспект на среќата: вторник и среда, внимавајте, со Месечината во опозиција што создава дополнителна нероза.

БЛИЗНАЦИ – најтешкото помина

Живеете период на лесни, но искрени односи: нема големи потреси во љубовта, туку само желба да ви биде убаво со оние кои ве разбираат. Слободните го откриваат задоволството од флертот без очекувања.

Мало подобрување на работа во споредба со минатата недела: некои проекти повторно се движат и идеите повторно течат. Не е сè решено, но најтешкото помина.

Замор и претешки мисли ви одземаат малку јасност и влијаат на здравјето: подобар сон е првата форма на рамнотежа. Повеќе среќа во првиот дел од неделата, помалку во вториот.

РАК – убаво изненадување

Оваа недела во љубовта страствената Венера ви подарува сладост и автентичност: интензивни средби, искрени дијалози и срце кое конечно се чувствува разбрано.

На работа ќе биде одличен момент да завршите, потпишете или дефинирате нешто: Меркур ви помага да комуницирате со јасност и интуиција.

Добро е и здравјето: се чувствувате стабилни, мирни и во рамнотежа со себе. Денови со повеќе среќа се почетокот на неделата, кога може да добиете убаво изненадување…

ЛАВ – напорна недела

Со Венера во квадрат емоциите се потешки: недоразбирања и љубомори во љубовта може да создадат дистанца. Обидете се да не се затворате во гордоста и да побарате дијалог со партнерот.

И на работа неделата изгледа напорна: со ретрограден Меркур идеите се збунети и одговорите доцнат. Подобро е да забавите и да набљудувате како се поставуваат работите.

Одлични се здравјето и физичката форма: ако ја испуштите тензијата со движење, веднаш ќе заблескате! Викендот ќе биде среќен.

ДЕВИЦА – вторник и среда се среќни денови

Во овој период љубовта ве прави да блескате: искрени гестови, интензитет и желба за споделување ви ја враќаат хармонијата. Паровите се зајакнуваат, самците доживуваат посебни моменти.

Одличен период е и во врска со работата: ќе успеете да разјасните и да средите тоа што претходно не функционираше. Меркур ви помага да најдете конкретни решенија.

Што се однесува до здравјето, телото чувствува малку замор: дозволете си бавни ритми и моменти на тишина за да ја повратите енергијата. Денови со повеќе среќа, на кои треба да се фокусирате: вторник и среда.

ВАГА – опуштено

Во љубовта атмосферата е опуштена: наклонетост, леснотија и мали секојдневни гестови ја враќаат смиреноста. Лицето покрај вас ви дарува едноставна, но искрена љубов.

Сè тече природно и на работа: се трудите со метод и прецизност, и наскоро оваа ваша дисциплина ќе биде наградена!

Одлична форма и јасен ум во поглед на здравјето: вашата внатрешна рамнотежа се одразува и надвор. Понеделник е ден полн со среќа, со Месечината во знакот.

СКОРПИЈА – силни страсти

Венера во знакот и ретроградниот Меркур ја поттикнуваат интензивноста во љубовта: силни страсти, ненадејни враќања и зборови кои можат да сменат сè!

На работа, конјункцијата со Меркур ве прави исклучително луцидни: имате инстинкт, стратегија и способност да читате меѓу редови. Искористете ја оваа сила за да го зацврстите она што навистина е важно.

Добра енергија и самоконтрола во поглед на здравјето и силата: концентрирани сте и полни со харизма! Одлични денови за среќа се вторник и среда.

СТРЕЛЕЦ – лесна и пријатна недела

Во љубовта ве очекува лесна и пријатна недела: ги оставате зад себе тензиите од последниот период и повторно се забавувате, повторно го откривате уживањето во играта и слободата.

На работа сè тече: креативност, решителност и малку среќа ви отвораат нови можности. Енергијата е на максимум во поглед на здравјето: телото реагира, умот брзо работи… насмевката е ваш заштитен знак. Денови на кои треба да се потпрете, со гарантирана среќа: четврток, петок и сабота.

ЈАРЕЦ – искреност

Во љубовта вашата врска расте полека, но цврсто и постојано: се отворате искрено и добивате убави потврди. Што повеќе може да се посака?

На работа Меркур повторно ве поддржува: јасност, конкретност и концентрација ве прават беспрекорни. Нови прилики се на хоризонтот.

Добро здравје и општа форма: вашата рамнотежа многу ќе зависи од внатрешниот мир што ќе успеете да го задржите. Среќата најмногу ќе ви се насмевне во недела.

ВОДОЛИЈА – објаснувањата одложете ги за понатаму

Во љубовта неделата започнува со малку збунетост: се предвидуваат променливи емоции и зборови кои тежат повеќе од очекуваното. Подобро е да ги одложите важните појаснувања за неколку недели, ако е можно…

И работата бара претпазливост: ретроградниот Меркур ја комплицира комуникацијата и бара повеќе трпение. Одлични, пак, се физичката енергија и општото здравје.

Среќата ќе биде со вас во специјалните денови – четврток, петок и сабота.

РИБИ – нежност

Љубовта оваа недела ве обвива во облак од нежност и длабочина: Венера ве повикува да им верувате на чувствата, да се препуштите и повторно да поверувате во вистинските врски.

Одличен период за коригирање на насоката во работата и за подобрување на заостанатите проекти: Меркур ви дава интуиција и чувствителност.

Здравјето може да почувствува малку емотивен замор, но телото добро издржува. Дајте си простор да дишете. Внимавајте на деновите со помалку среќа – четврток, петок и сабота.