Не внесувајте подароци од овие луѓе во домот – може да донесат кавги, болести и разделби
Фенг шуи верувањето предупредува дека не секој подарок е благослов, некои подароци ја внесуваат туѓата завист во домот трансформирајќи ја во темна енергија.
Според фенг шуи експертите, секој предмет што го внесуваме во домот носи енергија од личноста која го поседувала или подарила.
Затоа е важно да се внимава не само какви работи примаме, туку и од кого ги добиваме. Подароците не се секогаш симбол на добри намери, понекогаш тие се носители на негативни вибрации што можат тивко, но силно да влијаат врз хармонијата во домот.
Се верува дека најопасни се подароците кои доаѓаат од луѓе исполнети со завист, лоши мисли или скриено незадоволство. Таквите предмети, велат познавачите на фенг шуи, можат да внесат немир, кавги, па дури и болест во семејството.
Некои традиции предупредуваат дека дури и успешен брак може да се разниша ако во домот се чува предмет што ја носи енергијата на завидлива личност.
Ако при добивањето на подарокот почувствувате непријатност, тежина или некакво чудно чувство – послушајте ја својата интуиција. Не го чувајте тој предмет, и не го складирајте на таван или во подрум. Најдобро е да го исфрлите веднаш, без грижа на совест! Некои дури препорачуваат таквите подароци да се запалат, за енергијата целосно да се уништи.
Во домот треба да има само предмети кои носат спокој, радост и љубов. Сè друго, само го оптоварува просторот и ја заматува позитивната енергија.
