Не е Хурем, најпознатата султанка била од нашите простори – убавицата станала првата жена владетелка на Османлиското Царство
Кога се зборува за моќта на султанките, веднаш помслуваме на Хурем, но малкумина знаат дека највлијателната султанка всушност била Анастасија.
Анастасија, родена на крајот на 16. век, поточно во 1589. или 1590 година, била позната историска личност која е позната и како Козем султанија. Додека истражувањата за нејзиното потекло не се потполно јасни, историчарите се поделени дали потекнува од Грција или од Босна. Овој сомнеж за грчко потекло се продлабочува поради тоа што Козем била именувана Анастасија, а исто така била ќерка на православен свештеник.
Потеклото од Босна пак, се поткрепува со фактот дека била испратена во Истанбул од босанскиот беглербег Џелали Хасан-паша, а исто така и важни историски фигури од тоа време, кои извршувале клучни функции во Османлиската империја, биле од Босна, пишува порталот „Историја.инфо”.
Од бунтовничка до најголема султанија
Козем пристигнала во Истанбул на 15 години, каде што била подложена на различни измачувања поради нејзината бунтовничка природа. Таа решила дека единствениот начин да ја издигне својата позиција е да стане султанија – моќна и влијателна жена, која ќе има контрола преку своите синови и ќе управува со султанатот.
Во текот на нејзиниот престој во харемот, го привлекла вниманието на 15-годишниот султан Ахмет со својата убавина и на крајот станала негова законска сопруга. Сепак, не била првата жена на султанот Ахмет. Гркинката Махфирус, мајка на неговиот прв син, Осман, го заземала тоа место.
Деца и наследство
Козем му родила осум деца на султанот Ахмет – четири сина и четири ќерки. Првото дете било син, Мехмед, роден во 1605 година, по што следувале уште деца, вклучувајќи ги и синовите Мурат и Ибрахим, како и ќерките Ајше и Фатма.
Султанот Ахмет починал на 22 ноември 1617 година од последици на тифус, на само 27 години. Во страв од погубување на своите деца, Козем иницирала поставување на полубратот на Ахмет, Мустафа, на престолот.
Мустафа навистина дошол на престолот делумно затоа што најстариот син на Ахмет, Осман, бил премал за да владее.
Сепак, поради лошото ментално здравје на Мустафа и неспособноста да владее со државата, следната година дошло до бунт и Мустафа бил симнат од престолот, а на него дошол султан Осман II.
Осман II не бил толку благонаклонен кон своите браќа како неговиот татко и чекал прилика да се ослободи од нив. Според изворите, принцот Мехмед, син на Козем, ја поддржал групата која се бунтувала против владеењето на Осман II. Мехмед наводно им испраќал пари и им кажувал да не се откажуваат од бунтот. Кога султан Осман II дознал за ова, веднаш побарал погубување на принцот Мехмед од шejх-ул-ислам Есат ефендија, но тој не ја одобрил. Поради тоа, тој бил симнат од позиција и новиот шejх-ул-ислам го одобрил барањето за погубување. Принцот Мехмед бил задушен на 12 јануари 1621 година, по наредба на султанот Осман. Бил погребан во саркофагот на својот татко, султан Ахмет, во Сината џамија.
Поттиканала бунт против султанот Осман, па негово погубување
Осман бил соборен од престолот во 1622 година поради голема побуна на јаничарите, бидејќи Осман сакал да ги замени со нова современа војска. Бунтот го поттикнала султанијата Козем. Осман бил соборен и погубен, а Мустафа повторно станал владетел.
Не се задржал долго на престолот. Гледајќи дека менталната состојба не му се променила и дека не е заинтересиран да владее, државниот врв и војската го собориле Мустафа повторно.
На престолот дошол единаесетгодишниот Мурат IV, син на султанот Ахмет I и султанијата Козем. Зашто Мурат не можел самостојно да владее, Козем станала негов регент и примила почестена титула на владетекла – султанија. Во пракса тоа значело дека Козем станала првата жена владарка на целото Османлиско царство.
Мурат IV ги убива своите браќа Касим и Бајазит
Владеењето на Козем султанија траело од 1623 до 1632 година, од кога Мурат започнал самостојно да владее. Мурат IV во 1635 година го погубил својот полубрат Бајазит, кога го соборил од коњот за време на вежбање. Биолошкиот брат, принцот Касим, бил доста амбициозен и Мурат се исплашил дека може да започне бунт, па наредил негово погубување во 1638 година.
Султанијата Козем успеала да го спречи Мурат да го погуби и најмладиот брат, принцот Ибрахим, оправдувајќи дека Ибрахим е премногу луд за да претставува закана за престолот.
Кога имал само 28 години, не обезбедувајќи наследници, султан Мурат IV починал. По неговата смрт, единствениот преживеан брат бил Ибрахим, кој станал османлиски султан.
На својата смртна постела издал наредба да се задуши Ибрахим, но таа наредба не била извршена затоа што тоа би означило крај на машката линија на Османлиската династија.
Во почетокот на владеењето на Ибрахим, Козем всушност уште го водела целото царство. Сепак, односот помеѓу мајката и синот започнал да се влошува, главно поради лошото управување.
Смрт на последниот син на Козем, Ибрахим
Незадоволството од султанот довело до бунт на јаничарите во 1648 година. Ибрахим бил соборен од престолот и убиен неколку дена подоцна. Неговото шестгодишно синче, Мехмед IV, станал нов владетел, а неговата мајка била неискусната дванаесетгодишна Турхан Хатиџе. Козем, на тој начин, ја отстранила од власт и станала регент за младото владарче – по втор пат. Сепак, мајката на Мехмед не се помирила со својот статус. Постепено нејзиниот влијание во дворот започнало да расте, што довело до сериозна политичка борба помеѓу неа и Козем.
Козем задушена и погребана без церемонија
Откако Турхан Хатиџе доволно зајакнала, Козем решила да организира државен удар со помош на јаничарите и да го отстрани Мехме IV од престолот, поставувајќи друг внук на негово место. Меѓутоа, еден од шпионите на Турхан веднаш ја информирал за намерата на Козеm. Увидувајќи ја заканата, Турхан решила да започне контранапад. Дваесет војници на 3 септември 1651 година упаднале во палатата на султанијата Козем, каде што ја задушиле.
Смртта на Козем султанијата била олеснување за многу од нејзините непријатели. Таа била погребана истиот ден без никаква церемонија, покрај својот сопруг Ахмет и синот Мурат IV.
За Анастасија снимена е и серија
Серијата „Magnificent Century: Kosem” ги истражува истите историски настани и моќните ликови, особено се занимава со ликот на преубавата Анастасија (султанија Козем).
Во серијата е прикажан животот на Козем султанија, кој е полн со драма, сила и интриги. Сличностите со вистинската историја се забележливи, но серијата ја претставува на свој начин, додавајќи драматични и фиктивни елементи за да го задржи интересот на публиката. Секако, како и во серијата, животот на Козем е одраз на нејзината способност да се справи со предизвиците и да ја изгради својата моќ во една од најголемите империи на светот.
