Не чекај животот да те удри по глава за да сфатиш колку вредиш
Немаме време за чекање.
Не чекај животот да те удри по глава па дури тогаш да сфатиш дека не вреди да бидеш постојано несреќна, негативна, да се грижиш за глупости, за работа, за тоа кој што рекол, поради неколку вишок килограми, поради одреден неуспех, поради рутинската кавга со свекрвата, поради… милион други мали и невредни работи.
Не чекај животот да ти зададе удар, за да ја сфатиш својата големина и својата вредност. Знаеш ти одлично што имаш внатре во себе, што не е добро за тебе, а што е добро, што те мачи, а што те прави среќна. Не чекај ниту еден ден повеќе за да ја сфатиш својата големина преку потешкиот начин. Ништо не правиш погрешно, само го живееш својот живот.
Остави ги озборувањата зад себе. Секогаш ќе има некој кој ќе се најде да ти зборува и да се меша во твојот живот. Но, никој не чекори со твоите чевли, па да знае која е вистинската насока по која треба да тргнеш.
Слушај го своето срце што ти зборува. Плачи кога ти се плаче, смеј се кога ти се смее. Радувај се на животот. Прифати ги и лошите моменти. Не дозволувај животот да ти ја покаже својата темна страна, па дури тогаш да ја сфатиш светлината која извира од твојата душа.
