Испробавте милион диети, не излегувате од терерана, но и понатаму не можете да се ослободите од салото на стомакот? Сите знаеме дека премногу масти во пределот на стомакот го зголемуваат ризикот од дијабетес, срцеви болести и сл. Но, не очајувајте. Во продолжение прочитајте кои грешки во вашето секојдневие не ви дозволуваат да се ослободите од салото, па притоа променете ги своите навики.
1. Јадете премногу шеќери
Шеќерот е тивок убиец кон кој тежнеат повеќето. Денес повеќе заканувачка е смртта од шеќер, отколку од глад. Затоа, отфрлете го непотребниот шеќер од храната, и полека но сигурно остварете ги вашите цели.
2. Не внесувате доволно протеини
Протеините се материјал со кој се градат мускулите. Колку повеќе мускули имате, толку повеќе калории ќе согорува вашето тело тогаш кога не вежбате. Грав, житарици од цело зрно и слично се одличен извор на протеини, хранливи влакна и хранливи материи.
3. Не спиете доволно
Дали сте свесни дека раното станување со цел да отидете во теретана може да ви направи повеќе штета отколку корист? Доволно сон е клучно за губење на килограмите. За да ја надополните изгубената енергија без доволно спиење, телото тежнее за храна со цел да го издржи напорниот ден.
4. Правите погрешни вежби
Стомачни вежби е првото нешто што ви паѓа на памет со цел да се ослободите од салото на стомакот… Дали сте свесни дека сите имаат стомачни мускули? Можете да го зајакнете вашиот труп, но доколку имате сало кое го покрива стомакот, никогаш нема да ги видите. Кардио вежбите се клучни за губење на вишокот килограми.
5. Премногу се ограничувате
Ако внесувате помалку од 1.200 калории дневно, вашето тело ќе мисли дека сте гладни и ќе се претвори во машина за складирање масти. Не ограничувајте се премногу, понекогаш дозволете си да ја прекршите диетата, секако, во разумни мерки.
