„Натрапници“ влегоа во стадион, дали се мажоретки или залутале во просторот – смеа и радост од градот!

Ако поминете покрај градски стадион немојте да се изнанадите ако на јужна трибина забележите нешто неочекувано. Може на пример да слушнете и лаеж.

Нè дочека една необична слика. Група улични кучиња се качиле на јужна трибина и уживаат.

Оваа крзнена дружина го привлече вниманието кај случајните минувачи кои ги фотографираа и снимаа.

Да беа мачки немаше да се чудиме, но како кучињава се протнале и се искачиле до таму ќе остане мистерија.

Се гледа дека им е убаво на стадион и со нетрпение очекуваат нов натпревар.

– Може се мажоретки – низ смеа прокоментира една девојка што ги снимаше.

– Им се гледа фудбал изгледа на другариве – рече еден млад дечко.

Во секој случај сите се изнасмеавме и расположивме од оваа интресна случка во Скопје.

Низ ова видео ви пренесуваме малку радост и смеа од градот кое се надеваме дека ќе ве расположи.