Нашиот музичар распали на Фејсбук: Знаев дека мојата популарност надвор е трн во очи дома!
Платата ми ја намалија на 10.000 – изјави еден од најпознатите македонски гитаристи, светски реномираниот музичар Дамјан Пејчиновски.
Тој е гордост за нашата татковина. Бил дел од многу македонски проекти, соработува со етаблирани звучни имиња како во странство, така и со звучни имиња од домашната сцена. Ќе се потсетиме дека беше специјален гостин на големиот концерт на композиторот Никола Мицевски.
Пејчиновски кариерата ја развива и надвор од границите, каде што неговата популарност е огромна.
Охриѓанецот неодамна објави статус на фејсбук профилот каде што ја покажа својата разочараност од тоа што му се случило од страна на училиштето во коешто работи долги годни како професор по музичко образование.
На Пејчиновски ми ја намалиле платата на мизерни 10.000 денари.
Колку и да се радувам за секој мој ангажман надвор од Мк, толку и знам дека е трн во очи на многумина. Нема да помине неказнето, како што моето матично средно музичко училиште во кое што предавам гитара од 2009та на неопределено време реши да направи – да ми ја намали платата на 10 илјади денари месечно од септември 2024 – напиша тој.
Причината за ова било намалениот фонд на часови, што не е по негова вина.
Иако постојат многу вработени кои што земаат плата воопшто недоаѓајќи на работа, сепак, поради намалениот мој фонд на часови и недоволниот број на ученици по гитара ( кој според училиштето е моја вина ), претпоставените одличија дека јас треба да сум жртвеното јагне кое треба да најде начин да го преживее месецот со плата дупло помала од државниот минималец.
Пејчиновски вели дека ова не го обесхрабрува, туку напротив повеќе го мотивира да работи и да твори.
Сепак ова ме инспирира, да работам, да свирам повеќе и интелектуално да напредувам.
Не сакам да се жалам, туку сакам да го споделам овој пост за сите оние ентузијасти кои избираат да се артисти и уметници наместо музички работници. Бидете спремни дека вашиот избор нема да ви донесе финансиска стабилност, ниту пак социјален статус, а не очекувајте ни дека ке ви подадат рака за тоа што го правите.
