Насекаде банани со селотејп – од бајковито село до нова уметничка сензација
Живописното село Сонинг во Беркшир, некогаш опишано во книгата Three Men in a Boat како „најбајковитото мало катче на целата река“, денес би можело да добие нов опис: „место полно со банани залепени со селотејп на ѕидови“.
За оваа трансформација е заслужен уметникот Импро, кој ја нашол својата инспирација во контроверзната уметничка инсталација Comedian – дело што се состои од обична банана залепена на ѕид со селотејп.
Иако многумина ја доведуваат во прашање уметничката вредност на ваквиот концепт, факт е дека едно од овие „ремек-дела“ беше продадено за 5 милиони фунти. Интересно е што купувачот, наместо да го зачува делото, едноставно ја изеде бананата.
Дали британското село Соинг ќе стане новиот центар на современата уметност или само уште една жртва на ексцентрични уметнички експерименти – останува да видиме.
Целта на уметникот Импро е да се продадат неговите дела и да направи нов покрив на црквата во Сонинг.
Потсетуваме, Маурицио Кателан е оригиналниот уметник кој стои зад контроверзното дело „Comedian“ – бананата залепена со селотејп на ѕид, а Импро се инспирирал од него.
Делото банана залепена на ѕид со селотејп првпат беше изложено на Art Basel Miami во 2019 година и беше продадено за 120.000 долари, а подоцна друга верзија беше купена за 5 милиони фунти. Најголемата сензација се случи кога перформанс-уметникот Дејвид Датуна ја изеде бананата пред публиката, нарекувајќи го својот чин „Гладна уметност“ (Hungry Artist).
Импро, уметникот од британското село Сонинг, очигледно се инспирирал од Кателан, но неговите банани, иако саркастично проценети на 24,8 милиони фунти, засега немаат купувачи.
