Направете сами природен шампон за миење на косата

Најдобро би било да ги избегнувате купените шампони, бидејќи тие се полни со хемикалии.

Најдобро би било да ги избегнувате купените шампони, бидејќи тие се полни со хемикалии. Затоа, препорачливо е да ја миете косата со природен шампон на база на масло. Природните шампони се потполно здрави, а се и многу поевтини од купените. Природниот шампон направете го на тој начин што во поголем сад ќе ставите 3 децилитри вода и ќе го ставите на оган. Кога ќе зоврие додајте 5 вреќички чај од камилица или 3 лажици сушена камилица (како ви одговара повеќе). Освен чај од камилица, можете да користите чај од жалфија или коприва. Чајот треба да стои во водата се` додека водата не стане матна. После тоа процедете го. Сега во чајот додајте 2,5 лажици природен сапун, а најдобро е оној којшто нема никаков мирис. Кога сите состојки добро ќе ги промешате, на крај додајте 15 капки етерично масло по избор.