Дали и вие спаѓате помеѓу оние жени кои несаканите влакна од телото ги отстрануваат исклучиво со бричење?
Ако вашиот одговор е потврден, тогаш сигурно ќе ве заинтересира овој рецепт за домашна крема кој можете да го подготвите сосема брзо и лесно.
Потребни состојки:
- 700 грама кокосово масло
- 70 грама шеа путер
- 2 лажици маслиново масло
- 2 лажици благ течен сапун
Начин на подоготовка:
Стопете го кокосовото масло и шеа путерот. Мешајте одвреме-навреме за да го забрзате процесот. Потоа додајте го и маслиновото масло, па мешајте додека не се соединат состојките. Таквата смеса префрлете ја во подлабок сад, а најдобро е тоа да биде некоја тегла, па ставете ја во фрижидер. По одредено време извадете ја од фрижидерот, па почнете да матете со рачен миксер. Додајте го течниот сапун и матете додека не добиете кремаста смеса. Сместете ја кремата во сад со капак, па чувајте ја во фрижидер.
Напомена:
Состојките во кремата имаат долг рок на траење, така што можете да ја користите и неколку месеци. Но, доколку дојде во контакт со вода, тогаш брзо ќе се уништи. Затоа, бидете внимателни и чувајте ја кремата подалеку од тушот или од чешмата.
