Познатата бикини диета ќе ви помогне да ослабите, да го прочистите организмот, но и да добиете здрава, убава и блескава кожа.
Станува збор за двонеделен, нискокалоричен план за исхрана кој ќе ви овозможи да изгледате поздраво и постегнато. Диетата се базира на свежо овошје и зеленчук со кои ќе го прочистите организмот. Ако доследно се придржувате на диетата, за две недели можете да изгубите 4 килограми, а ако ја продолжите за уште две недели можете да изгубите уште 2 килограми, значи вкупно 6 килограми за 4 недели.
Диетата вклучува јадења кои се нискокалорични и со малку маснотии, но заситуваат, што ќе ве спаси од грицкање меѓу оброците и ќе ви помогне да ослабите. Овој план за исхрана ќе ви помогне да го прочистите телото и да не чувствувате потреба за блага и мрсна храна. Овошјето и мрсната риба ќе и дадат сјај на вашата кожа, па освен што ќе ослабите, ќе изгледате и многу поубаво и помладо, a и ќе се чувствувате многу подобро.
Оваа диета ќе ви помогне да ослабите на здрав начин пред некој важен настан или пред почетокот на пролетта и посебно летото, кога тенката и кратка облека ќе ги открие деловите од телото што порадо би ги прикриле.
Треба точно да се придржувате на планот за исхрана, но можно е да се заменат одредени оброци ако не сакате некои од пропишаните намирници. Ручекот можете да го менувате само со ручекот од некој друг ден, а вечерата само со вечера. Со појадокот, ручекот, вечерата и меѓуоброкот ви е дозволено уште 300 мл. млеко со ниска масленост (овде не се смета млекото кое веќе е на менито) кога сакате да се напиете. Избегнувајте алкохол и пијте вода, природни сокови без шеќер, чај и кафе без шеќер. Салатите можете да ги зачинувате со малку сол, или со малку маслиново масло и јаболков оцет или лимонов сок.
Ден 1
Појадок: 1 портокал или праска, 200 гр. немасен обичен јогурт Ручек: зелена салата, 1 шака пржено јаткасто овошје, 1 парче интегрален леб, 1 портокал Меѓуоброк: шака бразилски ореви и две коцки црно чоколадо (со висок процент на какао) Вечера: риба на жар (скуша, туна, сардела, шаран, сом), 1 варен батат (сладок компир) од средна големина, варена брокула, овошна салата
Ден 2
Појадок: чиниче зрнесто овошје (малини, рибизли, капини, брусница, грозје), 1 парче интегрален тост со немасен сирен намаз Ручек: салата од пиперки, моркови и краставици со 2 лажици хумус и 2 парчиња интегрален тост, 1 банана Меѓуоброк: 4 коцки темна чоколада Вечера: пржено пилешко (половина пилешки гради) со зеленчук по желба – пиперки, моркови, брокула, карфиол, млада боранија, свеж спанаќ и еден мал компир варен со лушпа
Ден 3
Појадок: 5 лажици полни до врв интегрален корн флејкс, 125 мл. млеко со ниска масленост, 1 овошје по желба Ручек: салата од туна – 50 гр. туна од конзерва, 6 големи листови зелена салата, 2 средно големи домати, 1 краставица, изрендан морков, по желба половина авокадо, 1 парче интегрален леб Меѓуоброк: 1 шака зрнесто овошје Вечера: половина пржени пилешки гради со салца (сос од домати , пиперки, кромид и лук), средно голем компир варен во лушпа, салата по желба, 2 киви
Ден 4
Појадок: милк шејк од зрнесто овошје – 200 мл. немасно млеко, 1 лажица пченични никулци, 100 гр. зрнесто овошје (може и замрзнато), 2 лажици мед Ручек: средно голем компир варен во лушпа, 2 лажици грав во чили сос и зелена салата Меѓуоброк: 1 овошје по желба (праска, портокал, 1 парче лубеница) Вечера: рижото од зеленчук – интегрален ориз и зеленчук по желба, лубеница
Ден 5
Појадок: 2 парчиња интегрален тост со немасен сирен намаз, 1 јаболко Ручек: стапчиња од морков, целер и краставица со 100 гр. свежо сирење (по желба со лук и мелен црвен пипер), 1 интегрално пециво Меѓуоброк: шака тортиља чипс со салса сос Вечера: ражничи од половина пилешки гради со пиперка, печурки и кромид, три лажици до врв полни кус-кус или интегрален ориз
Ден 6
Појадок: 3 лажици мусли со 150 мл. немасно млеко, шака зрнесто овошје Ручек: салата со пилешко или мисиркино месо – 50 гр. пилешко или мисиркино месо, млада боранија, домати и краставици со маслиново масло, оцет, можете да додадете и лажичка сенф Меѓуоброк: 2 јафа кекси Вечера: 150 гр. тестенини со сос од домати и зеленчук и 2 лажички пармезан
Ден 7
Појадок: 1 парче интегрален тост со немасен сирен намаз и 1 средно голем домат Ручек: половина шолја варен интегрален ориз, зеленчук на жар – тиквички, домати, пиперки Меѓуоброк: 1 палачинка со овошје (овошјето можете да го ставите во тестото пред печењето или потоа палачинката да ја наполните со овошје) Вечера: 200 гр. риба на жар, 3 мали печени млади компири, свеж спанаќ или зелена салата со морков.
8 – 14 ден
Од наведените 7 дена изберете појадоци, ручеци, вечери и меѓуоброци по желба. Можете и да ги повторувате, но не повеќе од два пати.
