Оваа девојка што сите ја знаете е прогласена за највлијателна дама во светот на модата

Русокосата Италијанка прави дармар на модната сцена

Форбс ја објави традиционалната листа на највлијателните личности, а во модната категорија победи познатата италијанска блогерка Кјара Ферагни. Девојката која што стои зад блогот  „The Blonde Salad“ денес има милиони фанови на социјалните мрежи, милиони на сметките, а во меѓувремено стана и дизајнерка на облека и модни додатоци.

Нејзината модна линија само минатата година и донесе 20 милиони долари, а интересно е што за нејзиното влијание се зборува и на Харвард.

Веднаш зад неа на листата се најдоа уште две познати и влијателни модни блогерки, Леандра Медин Коен и Ејми Сонг

Убавата русокосата Италијанка има само 30 години, а наскоро ќе се мажи за италијанскиот музичар Федез кој романтично ја запроси на нејзиниот роденден за време на еден од неговите концерти.