Највкусниот чоколаден колач со сирење без печење – кремаст, полн со протеини, се топи во уста

Ако барате десерт што ќе ве освои од првото залче, овој колач со чоколадо и свежо сирење (крем сирење) е вистинскиот избор.

Покрај тоа што е неверојатно вкусен, тој е и богат со протеини, што го прави одлична опција и за оние што внимаваат на исхраната. Се јаде ладен, а има кремаста текстура, па е идеален за освежување во топлите летни денови.

Подготовката е едноставна, без печење, а потребни ви се само неколку состојки – крем сирење, црна чоколада, какао и малку кокосово масло (или путер). После неколку часа во фрижидер, добивате совршено цврст, богат и неодолив десерт.

Состојки:

500 г крем сирење

33 г какао (во прав)

250 г црна чоколада

30 мл кокосово масло (а може и 30 гр путер)

Начин на подготовка:

Ставете го крем сирењето во блендер и мешајте додека не стане сосема мазно и кремасто.

Додадете го какаото во прав и кокосовото масло (или путерот) во блендерот, па повторно измешајте додека смесата се изедначи.

Исечкајте ја црната чоколада на мали парчиња за полесно да се стопи. Стопете ја на пареа (во сад над зовриена вода).

Во длабок сад, измешајте ја претходно подготвената смеса од сирење со стопената чоколада. Мешајте додека да добиете целосно хомогена смеса.

Обложете квадратна тава со хартија за печење (приближно 20 x 20 см). Истурете ја смесата во тавата и израмнете ја површината со шпатула.

Ставете го колачот во фрижидер и оставете го да се лади најмалку 3 часа или додека не се стегне добро.

Исечете на коцки или на парчиња и послужете ладно.

Овој рецепт е брз, лесен и совршен за љубителите на чоколадо кои сакаат здрава алтернатива без печење.