Најубавите стихови од Тоше Проески: Ангелу, ти се’ уште живееш преку твоите песни

Не се заборава тој кобен октомвриски ден во 2007 година, кога прерано замина помеѓу ангелите нашата легенда Тоше Проески.

Но, она што тој го остави зад него прави повторно и повторно да го оживуваме со секој негов испеан стих. Во негова чест денес одвојуваме неколку стихови од неговите песни кои многумина од нас си ги потпевнуваат и ден денес, а веруваме и многу идни генерации…

„Што е тоа во луѓето тажно што живеат во животи туѓи“ – Цреша

„Додека спиеш убаво ми е, гледам и сфаќам ти си најубав цвет“ – Сонце во твоите руси коси

„Гордоста нè донесе до дно, можам да не те сакам, не и да заборавам, а за тоа ти си ми должна до крај“ – Најдрага моја

„Темно е, тајно моја, а во душа светат фенери. Се’ што имав заложив, да ти пеам под пенџери“ – Тајно моја

„А љубовта обична, ја смени во посебна, ти си мојот благослов, кому давам се’ во животот мој“ – Ангел си ти

„Со тебе под еден чадор да се стиснам, да сум среќен иако на пола киснам, како суво лисје згази ме под себе, ништо не е грубо ако е од тебе“ – По тебе

„Немам пат за назад, нема веќе да сме цели, што и да ми кажат, кога некој трет не’ дели“ – Никој како тебе не бакнува

„Боже, не ми треба ништо друго, дур сум жив под ова небо, топла постела и очи што ги знам“ – Боже чувај ја од зло

„Се’ што ми зема кај го даде? Мила, за колку ли ме продаде?“ – Кој ли ти гризе образи

Почивај во мир, незаборавен голем човеку!