Време е за доручек!
Доколку сте љубител на бели пецива, тогаш ѓеврекот и лиснатите се ваш редовен избор. Но, ќе се согласите со нас дека и од ѓеврек до ѓеврек има разлика, нели?
И покрај тоа што се прави навидум едноставно и од речиси исти состојки, магијата на еден ѓеврек е во тајната на мајсторт.
Некој сака помек , некој пак покрцкав ѓеврек, за некого тенок е пубав од оној со повеќе тесто, некој одбира ѓеврек покриен со многу сусм, а за друг пак доволно е да е малку поросан со сусам.
Ние сметаме дека го најдовме совршениот ѓеврек, омилениот во градот и пошироко. Тоа е ѓеврекот на Св. Никола.
Оваа пекарница е стара 44 години, лоцирана е на бул. Мајака Тереза (поранешна Водњанска) спроти главниот влез на Клинички центар „Мајка Тереза во Скопје. Работат од понеделник до петок од 6 од 16 часот.
Имаат асортиман од повеќе производи, како пченкарни стапчиња, стапчиња со сусам, благи короасани…
А ѓеврекот? Ѓеврекот тука е неприкоснован! Тука ќе го пробате најубавиот ѓеврек на светот. Не е случајно што овде покрај редовните медицински лица коишто се редовни муштерии, да сретнете и по некој странец кој слушнал за овој вкусен рецепт. Оти „убавиот глас на далеку се слуша“.
Ќе најдете можеби и на друго место убав ѓеврек, но како овој е посебен. Оние што пробале знаат.
Има идеална текстура, сочен залак што може да се јаде и без да се комбинира со јогуртче. Мирисот потсетува на детството.
Ние денеска знаеме што ќе доручкуваме, а вие?
