Најубави православни имиња за деца родени во декември и јануари – носат среќа, благослов и силна симболика

Зимата отсекогаш била посебен, тивок и магичен период, а децата родени во студените месеци се сметале за особено чувствителни и кревки. Некогаш, родителите внимателно избирале имиња кои според народните верувања носат заштита, благослов и сила, имиња што биле вистински амајлии за новороденчето.

Иако времињата се променија, традицијата и денес живее во многу семејства како симболична врска меѓу детето и духовниот ритам на зимата.

Ако сте во потрага по име со силно значење и духовна историја, имаме за вас прекрасни избори.

Се верува дека овие имиња носат заштита, сила и здравје.

Никола, Николај/а, Николина

Децата родени околу празникот на Свети Никола честопати го добиваат неговото име (19 декември). Потекнува од латинскиот Николаус и ги спојува значењата „победа“ и „народ“. Симболизира сила, заштита и победа над сите животни предизвици. Размислете за варијантата Николај, а во женска верзија Николаја, име кое е несекојдневно а многу моќно.

Божидар, Божана

Значењето „Божји дар“ го прави ова име идеално за бебиња родени околу Божиќните празници или во семејства кои долго го чекале своето дете.

Симболизира благослов, надеж и нов почеток.

Андреј, Андреја, Андријана

Од грчкиот Андреас, со значење „храбар/храбра, силен/на“. Се поврзува со празникот Свети Андреј Првоповикан (13 декември) и традиционално се дава на деца родени во овој период. Симболизира храброст и стабилност во животот.

Филарет, Филарета

Името Филарет, а во женска варијанта Филарета, носи длабока духовна и културна симболика што своето потекло го црпи од древниот грчки јазик. Станува збор за име составено од зборовите „philos“, што значи љубов или наклонетост, и „arete“, што се преведува како доблест, морална чистота и добрина.

Затоа и самото име се толкува како „љубител на добродетелите”, „оној кој ја љуби добрината“ или „личност со благороден и чесен карактер“.

Во православната традиција ова име е особено почитувано поради ликот на Свети Филарет Милостив (14 декември), човек познат по својата исклучителна добрина и несебичност. Неговата правичност и чисто срце го направиле симбол на милосрдието и човекољубието, а празникот што се поврзува со неговото име, на 14 декември според новиот календар, дополнително го нагласува значењето на духовната благост што името ја носи.

Стефан, Стефана, Стефанија

Грчко име со значење „венец, круна“. Кај нас е тесно поврзано со празникот Свети Стефан (9 јануари). Ова име носи достоинство, чест и духовна „круна“ на благослов.

Василије, Василија, Васил, Василка

Име со кралско потекло, изведено од грчката збор basileios. Се поврзува со празникот Свети Василиј Велики и со традициите околу православната Нова година. Дополнително, се врзува со босилекот – симбол на чистота и Божја благодат.

Јован, Јована

Едно од најстарите христијански имиња, со значење „во Божја милост“.

Често се дава на деца родени околу празникот Свети Јован Крстител (20 јануари). Носи силна духовна заштита и благослов.

Снежен, Снежана

Име инспирирано од зимата и снегот, симболизира чистота, белина и нежен карактер. И денес многу популарен избор за девојчиња родени во зимскиот период.

Христијан, Христијана / Кристијан, Кристина

Името потекнува од зборот Christos – христијанин, помазан. Особено се дава на деца родени околу Божиќ, бидејќи носи радосна духовна симболика и врска со најсветлиот празник во годината.

Анастасија, Анастас, Тасија

Името Анастасиј/а значи „воскресение“ и се слави на 4 јануари. Носи силна духовна порака – обнова, нов живот и победа над тагата. Во македонската традиција е едно од најубавите и најсимболични зимски имиња за девојчиња.