Најубавата продавница во градот што нуди божествена ароматерапија – оаза на вкусови и миризби

Во срцето на Скопје, веќе 17 години постои оаза на вкусови и ароми – продавницата „Ла Сој и Ла Ча“.

Зад оваа успешна „чајна приказна“ стои Соња Станковиќ, по професија фармацевт, која ортачки работи со Владимир Петровски, по професија архитект, но и двајцата ја делат големата љубов и познавања за чајот.

Кога ќе се спомене чај, повеќето Македонци прво помислуваат на билни напивки – нане, камилица, мајчина душичка. Но, вистинскиот чај, е многу повеќе од тоа. Зелен, црн, бел или улонг – секој од нив има своја историја и начин на подготовка. Во светот, особено во Кина, Јапонија, Индија и Англија, чајот е длабоко вкоренет во културата и секојдневниот живот. Иако во Македонија не постои таква традиција, интересот за вистински чаеви постојано расте.

Сè повеќе луѓе не го гледаат чајот како пијалок што се консумира само кога си болен, туку како ритуал за релаксација и здрав животен стил.

Како да препознаете квалитетен чај?

Најдобриот начин да препознаете добар чај е да го видите. Како што внимателно избирате овошје на пазар, така треба да гледате и на изборот на чајот – неговите листови треба да бидат цели, неразронети и со свеж мирис.

Доколку купувате спакуван чај, најдобро е пакувањето да биде проѕирно за да можете да ја видите неговата структура.

Покрај изгледот, и начинот на подготовка открива многу за квалитетот. На пример, зелениот чај треба да има светло зелена боја по приготвувањето, црниот – топла кафена нијанса, додека белиот чај е речиси бледо-жолт.

Уметноста на подготовка

Правилото вели дека треба да се проврие, а потоа да се олади на 70 степени доколку се пие бел или зелен чај кој има чувствителни листови. Во превод, треба да се почека околу 5 минути, да се подизлади водата и да нејзината врелина замине. Потоа со неа се прелева одмерената количина на чај, а тоа е една мала лажичка на шоља од 200 мл и се остава да стои според соодветно пропишаното време, а тоа е 3 минути или за црниот чај максимум до 5 минути.

Чајот како еликсир за здравјето

Една од најголемите предности на чајот се неговите здравствени придобивки. Освен што содржи антиоксиданси, кои се борат против слободните радикали во организмот, чајот содржи и теин (вид на кофеин) кој дава енергија, но на поблага и подолготрајна основа од кафето. Разликата е во присуството на L-теанин, супстанца што го намалува нервниот ефект на кофеинот, овозможувајќи подобра концентрација и ментална бистрина без несакани последици како тремор или нервоза.

Зелениот чај е особено познат по својот придонес во забрзување на метаболизмот и слабеење. За да се постигнат ефекти, препорачаниот внес е три чаши дневно, најдоцна до 17 часот.

Одберете вкус на зелен чај кој најмногу ќе ви годи – јасмин, цреша, праска, ананас, бадем…

Чајот помага во создавање чувство на ситост и природно регулирање на апетитот. Истовремено, црниот чај е одличен сојузник во борбата против висок холестерол и шеќер во крвта.

Чајот – пијалок за сите сезони

Иако многумина мислат дека чајот е зимски пијалок, всушност тој има и разладувачки ефект. Во многу топли клими, луѓето жежок чај среде пладневната жештина, зашто топлиот напиток помага телото да се адаптира на надворешните температури.

Чување на чајот

Чајот е деликатен и чувствителен на воздух, влажност, мириси и светлина. Најдобро е да се чува во метални или специјални хартиени кеси, на суво место, подалеку од силни мириси. Стаклените тегли можат да бидат практични, но не за зелен и бел чај, бидејќи тие брзо оксидираат на светлина.

„На нашите продажни места, чајот го чуваме затворен во метални кутии и при продажба го одмеруваме-пакуваме во трослојни вреќички кои се наменски направени за да ја сочуваат неговата свежина и арома. Во истите тие може да се чува и дома, на суво место и на собна температура. Но доколку сте вистински обожавател на чајот самите ќе посакате да му најдете посебно катче во станот, да го сместите на посебни полици, па секој тип според неговиот вкус да добие и соодветна декоративна метална кутија“ – ни раскажува Соња.

Што друго најдовме во „Ла Сој и Ла Ча“

Од каде да почнеме? Најдовме и соршено каде, какао и најразлични додатоци за подготвување и уживање во ритуалите пиење чај, каде, какао.

Се вљубивме во лимените кутии за чување, не можевме да одолееме на прекрасните чаши и шолји со уметнички мотиви (од Ван Гог, Кандински, Климт), во чајниците и сетовите, во природните сетови за нега на тело, во купките, во миризливите стапчиња, во шеа путерот…Стотици производи кои веднаш би ги посакале за себе, но и како подарок за оние кои ви значат.

И да ве потсетиме, „Ла Сој и Ла Ча“ освен на улица „Климент Охридски“ (во близина на Соборен храм), може да се најдат и во Веро центар.