Французинките се познати по нивниот специфичен стил, а таа е позната како Французинка со најстилизиран профил на Инстаграм.
Оние што редовно не читаат знаат дека сакаме да го свртиме вниманието и кон постарите жени во модниот свет и, благодарение на „Vogue“ и „WhoWhatWear“, ја откривме нашата најнова муза. Станува збор за 54-годишната Софи Фонтанел, француска писателка и колумнистка од париската модна публикација на весникот „L’Obs“.
Со еден поглед на нејзиниот профил на социјалната мрежа Инстаграм може да се види дека таа има беспрекорен стил во огромно количество. Софи во своето интервју за списанието открива дека 80% од нејзината гардероба е „винтиџ“ и дека нејзиниот стил е со цел да се пренесе „мекост, нежност, смисла за хумор, [и] духовитост“, наместо сексапил.
Таа, исто така, има и неколку мудри зборови за тоа како вие може да научите да се облекувате добро – а тоа нема никаква врска со купување нова облека.
„Ако сакате да бидете добро облечени, мора да учите од гледање стари филмови, од одење во музеј и од сурфање на Интернет,” изјави таа за Вог. „Треба да читате добри книги, да читате поезија. Кога ќе ставите убави нешта во душата, токму тогаш ќе разберете како да се облекувате добро.“ Големо БРАВО за овој нејзин фантастичен коментар.
Премини на следната страна >>
