Освен што е задолжително парче облека за есен, ничија облека не е комплетна без барем едно сако. Но, ниту класичното сако не е имуно на трендовите, па од сезона во сезона сведоци сме на примамливи изданија на кои е тешко да им одолееме. Еве кои се хитовите за оваа сезона.
Карирани
Карираните модели оваа есен се оценети како доста популарни, а освен на сакоа, ги видовме и на здолништа кои доаѓаат во комплет со нив. Можно е веќе да го имате во вашиот плакар, зашто е ИН повеќе години.
Сако во боја на кожата
Сакото во оваа неутрална беж нијанса делува богато, без оглед на неговата вистинска цена, а одлично ќе се вклопи со секоја ваша облека.
Сомот
Освен на панталоните, сомотот оваа есен е популарен и на сакоата, па сомотното одело е одлична инвестиција за оваа сезона. Предност е што овој материјал и добро ќе ве топли во студените денови.
